今日,落到去麵包舖就見到寶英,所以,就一齊行去搵陳詩琪搭車...番到學校,就去locker個邊,發覺個邊完全冇人係到…所以,我地就等朱古力黎喇…等左陣,朱古力同葱葱一齊黎,拎書個陣,陳詩琪同朱古力係到玩,點知…比波子見到,波子就串佢地,哈哈,笑死…之後,就上禮堂排隊,排隊個陣,馮sir聽到陳詩琪勁咳,佢就即刻走開(好似驚佢傳染佢咁),maths堂,人地呀sir上緊堂,黑提同朱古力係到玩”十五二十”,點知,比呀sir見到,就問黑提同邊個玩”十五二十”佢竟然答自己同自己玩,笑死,(真係好夠義氣),小息個陣,陳詩琪比左隻”出奇蛋”我…之後,就同薛鴻毅玩”十五二十”,次次同薛鴻毅玩都輸,打鐘…黑提叫我同佢玩,我同佢玩,哈哈,win左佢… 諗起佢地2個,就諗起黑提叫薛鴻毅既花名”早早”笑死我,哈哈…之後,中文堂,勁想訓覺,不過,都有成半班人訓覺,lunch,我地上士多食,之後,落左去公園,再之後,見班淫蟲仲未出黎,我地就再上士多買野食,之後,再落番去公園,等左陣,佢地成班就出左黎喇,點知…佢地玩長毛,猜輸左就過去同長毛一齊行,結果,何國慶輸左,點知,佢地玩完就番學校,再過左陣,我地就番學校,,點知…番到學校,就聽到長毛同miss講:miss,有人跟住我呀!(其實,佢話緊個個就係何國慶)哈哈…之後,見到羅文堅,諗住捉佢入女廁,點知,差d捉到個陣,佢除左件冷3,打鐘,羅文堅叫我比番佢,開頭,諗住玩下佢,叫佢上黎4樓拎番,點知佢唔上黎…番到班房,問超人羅文堅點,佢話佢好嬲,爆哂粗咁,跟住,英文堂,miss soon堂,我係到諗,頭先羅文堅好似著夏季,咁拎左佢件冷3,佢未比人捉囉,於是,我就問陳詩琪佢係咪著夏季,佢話係,跟住,我話,下,你唔提我比番佢,佢同我講,下,我以為你知,又見你拎得咁開心,o哂嘴,跟住,繼續玩,哈哈,葱葱好好笑,佢好鬼得意,放學,諗住比番件冷3羅文堅,點知佢地要測驗,所以,叫左陳詩琪比番件冷3佢,放學個陣,係到同葱葱,黑提,朱古力同肥林講bye bye(勁白痴)…唉,聽日又要番去補課喇,不過,補埋呢堂就得喇…

今日,我終於發現肥林點解係最淫個個喇!!

SORRY呀,羅文堅,我唔知你著夏季嫁…