今日因為落雨所以唔駛排隊,真係開心!!!之後,就上左課室,唉,今日又要收CHEM喇,收已經夠多野做嫁啦,+上D人又唔釘,搞到又要幫佢地釘埋,薛鴻毅次次都話"駛咩同佢釘丫,你交比馮SIR,比馮sir鬧佢地未得囉"大家同班同學,又唔想唔幫你地,唉,總之好煩.......今日第1,2堂maths,呀sir1入黎,我同黑提都嚇左1嚇,呀sir竟然改左卷囉,歷史以黎改得最快個次,哈哈...不過,都係比人鬧,呀sir話我地班有12個人唔合格,姐係得7成人合格,好低,去年d班次次都8,9成合格,點解今年會咁差???仲話會比文科追到我地,收到份卷,又係麻麻,但係葱葱就慘喇,都唔知佢讀咩書既,得xx分,唔緊要,下次努力,哈哈...之後,到中文堂,今日作文,作xx頒,xxx與我&從xxx說到xxx,唉...最憎作文,又作得多,我作到傻都係作到6百幾字,都唔知佩佩個d點作到千幾字,可能就係呢個原因,所以冇讀文科掛...到英文堂,carmen派番上次默書,我都唔知點解咁高分,不過我冇出貓,只係臨默前溫左陣,之後,到bio堂,miss許冇番,所以繼續作埋篇文佢,lunch,陳詩琪要開會,所以得番我地4個,我地落左麗瑤食,食飽之後,就搭車番上去,到reading堂,校長上左黎頒獎,彭ting,薛鴻毅&細妹好勁呀,哈哈...佢地拎完,就到我同李俊傑拎喇,哈哈...之後,都差唔多打鐘喇,我地就撿定野上去,今日有實驗做,我地好白痴,開頭呀襪同陳詩琪做先,用支溫度計測野,我做記得紀錄個個,佢地同我講,1.8度,我就寫,點知呀sir行左過黎,話我地"點會1.8度呀",我地就望住支溫度計,原來睇少左個0,支溫度計好新囉,個1字同8字分開,做完,呀sir就同成班講話我地個組盲,之後,就教書,呢課都幾易,唉.......我到宜家都仲未識反應質量個課呀,有冇人可以教下我呀???放學,因為落雨,我地問左肥林借傘,之後,就番屋企,番到屋企,就沖涼,沖完涼就係到溫chem,望住張紙1分鐘,就訓左喇,訓到8點半,都唔知溫咩書....