今日係我生日呀!!!祝我生日快樂,所有願望都實現

10月9日~

今日番學校補完maths之後,就番屋企換3,整頭,到左1點,就去悅來睇呀sa,今日有家姐,姐夫同aa陪我,我地睇完呀sa,就去食pizza,食飽之後,就搭車去黃埔,搭車個陣真係好好玩,冇啦啦多左個女仔,^^之後,成5點幾先去到黃埔個商場,去到,我地即刻跑去冒險樂園,佢地換左325個金幣玩,本身諗住玩波波池,但係要有細佬仔先得,所以我地最尾都係放棄左,跟住,我地玩左樣好好玩既野,碰碰車,不過可惜aa揀左部玩唔到既車,所以就錯失左呢個機會喇,之後,我地玩射籃球,點知,我同aa玩個部機,冇啦啦壞左,不斷出波比我地射,搞到我地玩左勁耐,玩到7點幾,就搭車走,唔知點解今日玩d機成日壞,唔知係咪比我地整壞呢??哈哈...之後,家姐同姐夫去旺角,得番我同aa番荃灣,我地行行下,見到呀達成班,之後,我地上酒樓,aa就去整眼鏡,上到酒樓,人地已經坐低哂,我搵到位之後,就即刻坐低睇新娘,真係恭喜我表哥,祝佢地永結同心!!!

琴日真係好多謝家姐,姐夫同aa,我真係好.....開心呀!!!

仲有,琴日12點同我講生日快樂既人:呀襪,aa,呀哥(邦),杜杜,momo,小朱,安琪,呀婷,曉君,翠怡,呀哥(豪),大口,家姐+姐夫,仲有我細妹<---多謝你地呀!!!

真係發覺做最細個個真係好好,有咁多人錫,希望年年都係咁啦,^^