今日係2007年既第1日,正所謂3條1,希望大家有好既開始...

琴晚通頂到今朝既8點鐘,好利害,不過番到屋企,只係訓到2點半,之後就又出街,琴晚玩得好開心,宜家先發覺朋友原來係好重要,琴晚同佢地1齊,真係好...開心,我以後都會好好咁珍惜你地,唔會比你地離我而去(呢個係我07年既1個願望)

點解人要咁賤,明明有條好路行,佢就偏唔行,行條唔應該行既路,你以後有D咩事,都係你自己造成,唔可以怪我!!!希望我唔會比你影響到我既會考心情

發覺你真係大個左,終於似番16歲喇,"係你既就係你,唔係你既就唔係你",唔需要刻意咁強求,加上佢呢D咁既人,你亦唔需要為佢流淚,呢樣野係唔值得,"眼淚係要流得有價值"希望你有新既開始啦

人真係會隨住時間而改變,人愈大,就愈識諗野,再加上係你地身上學到好多之前諗錯左既野,我諗我宜家真係好識諗,原來"放棄"呢2個字係應該1早做左佢,而唔應該等到宜家先黎做,實在太遲!!!最重要既係係你地身上學左呢樣野-->睇人唔可以睇表面,要認識耐左先可以知道佢既性格...""對住唔同人,係需要同唔同既心,對住D衰人,自然就要用假心黎同佢地交往,而對住D我信得過既人,就自然用真心同佢地交往""<---呢樣野就係你地教識我,希望唔會錯啦...

我以後再唔會比人既說話欺騙到同傷害到我!!!最後1樣,就係希望你地如果知道我做錯左就應該即刻提醒我!!!