表姐終於都結婚啦~
祝你地幸福快快快快樂...>u<



尋晚成大班人一齊去食飯...兩圍臺...
食完去行左陣街就同表姐佢地去左酒店
因為係伴娘既關係...我要同佢地一齊住酒店
係咁同瑩表姐試婚紗...影相影相...
哈哈~大表姐都覺無奈
一路搞到成1點先訓...>u<


5點幾就要起身lu...
表姐淨係化妝都化左個幾兩個鐘...
7點幾~肥仔&佢班兄弟都黎左lu...
哈哈~肥仔個家姐又話d兄弟冇個靚仔既...
但我覺得都唔錯喔...幾靚仔呀...哈哈

羅開門利是...>u<  玩遊戲...
做掌上壓果陣...d人好man呀...哈哈
搵返隻新娘鞋果陣...班兄弟好搞笑...
"鞋呀？我地一人除一隻俾你米得囉"
又搞到間房亂到噁...=.="

接完新娘返男家...
搭lift落去果陣...逐層停...
果個叫張唔知乜乜既兄弟...
係咁話"Sorry"...仲要懶勁咁讀到好有外國feel咁樣...
哈哈~不過靚仔講出黎既野...係特別好聽d既...>u<

搭緊車返男家...係倒後鏡見到果個張乜乜
哇~喳緊車既佢仲型呀...>3<
一落到車...好凍呀~震震震...
返到男家...佢地影下相...

影完...班兄弟&姊妹們一齊去飲茶
不過...兄弟&姊妹冇計傾既
班兄弟係度睇報紙&打機...>n<
不過有個兄弟好有gentleman
幫我地斟茶...哩d先係"man"
食完就咁散band...冇溝通冇溝通


同表姐去行街...
行到勁攰...早知唔著高爭鞋住...
行左一陣就返返去男家hea
d con盒,con水都漏左係酒店...
戴緊con又唔訓得覺喔...
眼訓死...=.="


hea到3點幾去酒樓準備宴會
表姐化妝又化左成個幾兩個鐘
個化妝師d動作真係好慢囉...
仲有肥仔個家姐.亞媽&我哩個伴娘都未化...=.="
佢地又要趕住斟茶影相...
搞到最尾都係肥仔個妹幫我化...
我仲要自己set頭...
不過~我覺得自己set既頭都唔錯唔錯...>u<
嫦表姐都話我靚女左...差d認唔出係我...>u<

斟茶果陣...我負責遞茶...
全晚上鏡率高達70%
不過個伴郎就...........
聽說佢踢波咬柴了...畢竟人地係港隊...勁人一個
好少見佢行埋新郎哥身邊...

食野果陣播相...
肥仔著古裝個樣好搞笑...哈哈

雖然做伴娘都ok多野做...有點忙
但我都依然做得好開心...>u<


敬酒果陣...以為真係有酒飲啦
點知d酒俾佢地溝到稀到死
同飲可樂冇乜分別囉...=.="
好耐冇飲過酒啦...
自從上次去camp飲到醉曬咁...
到宜家都冇飲過lu...

見到班兄弟係咁飲酒...
真係有d衝動走埋去飲埋一份...=.="

雖然話肥仔有準備好既"假酒"
但都係因為個氣氛咁high
同d兄弟飲返真既啤酒...
飲到塊面紅曬...
亞哥都學人飲酒囉...=.="
KO左成"杯"紅酒...(而已)
不過都算係咁架啦~
佢都唔係d飲酒人黎既...
唔似得我...>u<...愛酒人...>u<


散場退席果陣...
我都要企埋係出面
班兄弟走果陣都有同我握握手...
不過一到某個兄弟諗住同我握手果陣
有個細露走左出黎...
阻住左...冇握到...激死


散完場...換完衫...啦啦黎走人
趕到最尾果班火車...


返到屋企...淨係落妝都落左成3個字

超佩服自己
本來副con第二次帶
淨係可以戴6粒鐘...
但係...我戴左19粒鐘囉...=.="
臨尾果陣都覺得有d眼花花既feel...=.="


天日仲要返學補課
搞掂曬d野就訓覺lu...>u<




咬柴了的伴郎↓              好靚仔既張乜乜↓ (可惜俾餐牌阻住左...=.=")





附上4張自拍照...>u<