|
|
2006 年 4 月 22 日 星期六  | |
|
一個人 |
|
今日好平靜~~起左身一陣就打開部電腦做下功課,但係......好難做~~完全無心機落去,咁咪換衫出去圖書館睇下有無書借返黎用下.....
我行緊過去圖書館既時候,無啦啦走左個傳教使過黎問我信唔信有神哦!!!!!我咪係咁話唔信囉,佢係到死跟住我,我話我要去圖書館,佢見我趕時間,就放棄啦^^yeah 入到圖書館超多人呀~加上又裝修過,所以我搵左好耐先搵到講電腦個一行= ="
我搵書個陣,見到個伯伯拿住部寫網頁既書,我心諗唔係咁勁呀伯伯你...我都係剛剛學左一排左哦~~~~跟住佢又望住我,我諗佢係望住我手上個幾部本嚇親佢,因為我拿住個d書係好大部成本大字典咁大本,哈哈......佢就問我~~你識睇呀?我話識識地呀~~我e家都學緊!!!~~跟住佢就無理我啦
本身諗住係附近食埋野先返屋企既~~但係我一feel到我手上個幾本書有幾重,我即刻打消左念頭呀!!!!都係返到屋企先食呀... = ="返到屋企一睇返部電腦見到好多人add我~~跟住我回覆返被佢地....我見到其中一個係有個ling~~我諗下,係邊個呢....再睇下~~跟住就記得佢係邊個啦^^我問佢你又轉左msn呀?....跟住唔係佢應我,係佢家姐應我,佢話佢個妹唔得閒........- -"好似搞到我阻住左佢咁.........不過算啦^^可能佢唔係咁諗呢。
 |
| 刊登時間︰2006-04-22 06:18 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 4 月 18 日 星期二 | |
|
出去mk |
|
今日小弟本來係開開心心去海洋公園play,但係.....= ="竟然無咩人去得個幾丁友~~真係發瘟,最慘係呀cat囉左假,搞到我好似放佢飛機~~~咁我昨晚咪打被佢,話過佢知去唔到呀~~不如出mk食野行陣街睇下槍,好彩佢話好姐..........佢話唔去的話我真係係屋企裏面發酵呀!!!!!
咁我就約左佢1:00係西鐵等~~~嘩!!!我一見到佢個look超似返工~再望下自己,自己好似著得好鬼潮!!! (不過無所謂呀^^") 係等車既過程中我見到一個女仔打扮得好搞笑~~~佢著到成個卡通人物米奇個女朋友米妮!!!!勁頂癮.......我話返被cat知,佢都係咁笑....哈哈
出到mk我地竟然去左味千到食個拉麵~~跟住我地食既同時隔離有對超級恩愛的情侶~~~係到講d好肉x既說話....好難頂!!!!!跟住咪同呀cat講我都要正正經經搵返個女朋友啦~~~跟住我地行去波鞋街到睇下鋼係邊到做....我地一行到波鞋街的第一間店舖就見到鋼啦~~佢係到做緊野~我就扮唔識佢咁入去同佢打個招呼就走啦~~~費時阻佢做野啦!!!!
我地行到5點幾,我就話走啦~~~好痛呀隻腳唔行啦!!!!就係就返到屋企啦~...........
|
| 刊登時間︰2006-04-18 10:02 PM [ 訪客留言(0) ] [ 編輯日誌 ] [ 分享至FACEBOOK ] |
« | 4 | 5 | 6 | 7 | 8 | 9 | 10 | 11 | 12 | 13 | »
|
