唉,,呢排生活費又就黎用盡了-口-!!

得返200蚊,,點捱??

ar媽做野果度又未開張喎,,

家陣佢都係去老豆個兄弟打理屋企..

無奈lo!!我都唔知點捱了,,得返咁少錢..

今日早餐都唔想食,,學校d包賣到好貴-口-!!

點知搞到中午胃痛,,好慘ar!!

食又唔係,,唔食又唔係..

希望Kenith唔好鬧我la><我都唔想ga!!

中午既時候,,我拎住ar媽個100蚊去買2袋美國雞翼,,

佢話呢幾晚都食雞翼..oh!!實在太正了..

下午上數學堂,,做堂課,,果d咩立體幾何,,

呢幾堂做既幾條數都識,,

我最鐘意就係做證明題ga la!!

哈哈!!所以2堂就做曬所以題目,,

咁既速度都係第1次喳!!

跟住會計堂,,做Bad Debts同Doutful Debts,,好簡單!!

我諗我下次測驗只要做快d應該唔會死得好勁lo!!

希望屋企既收入可以回復返正常la,,

嗯,,突然間好掛住Kenith添..^3^

今日會計測驗唔夠時間做,,好慘ar!!

差個disposal A/C未做喳!!

睇怕今次都得60~70幾分到..下次個測驗要努力d做快d!!

呢排楓谷又回復返正常,,無再cut線lo!!

順便都show下我係楓谷個新look先..XD!!

至於我自己既相..mm,,有待張貼la!!

哈哈,,本人都唔係好like影相..= ="

音樂劇越黎越近了,,個個都非常努力,,

我覺得唯1令我唔開心既係,,我無得1展所長..唉!!

我好想可以唱歌ar,,如果佢地播歌,,

我希望我有份唱,,but,,做人都係低調d了..

班上既小圈子勢力太勁了,,好多野都唔由得自己揀,,

佢地屬於意見接受,,行為照舊既人..

份劇本完全好多地方有錯lo,,

but我聽Kenith話,,做好自己本份,,

到出錯既時候都至少唔關自己事..

我其實都唔知咁做岩唔岩,,but無辦法ga la..

岩岩22:04分完成左今年既第2首歌--再見不是朋友:

就當你的可愛沒法擋
為何誓要不速的到訪
唯有扮不慌不忙　各不相干
仍難防　情人眉目似當初好看
道別後　完全無事幹等於說謊
想起我　捱到硬朗
怎可給你　填我空檔

＊我不信愛人離開竟可變密友
我早有滿城朋友代你聚頭
像情人溫柔　怕無端牽動我
無謂要放未放手(難道你　纏綿未夠)
我恐怕友情逃不出戀愛毒咒
再嬉笑也難忘記為你怎樣淚流
和舊愛人親近怎獲救
饒恕我受夠
(陪著你這種好友 未夠修為承受
難道共你講 新歡他 怎挽手)

就算有多少說話要講
如何扮知己安撫對方
如這樣好都分離　也真冤枉
為何還　前來移近你不滅臉龐
但又恨　再細看你肌膚的暗光
假使當　朋友待你
功窺一匱　無法釋放

REPEAT＊

 ::自評::

 這首歌歌詞我挺喜的...
 自問唱得不好...= ="
 而且對我來說很高音...= ="
 這歌我降了1個KEY唱仍如此恐怖= ="
 抱歉.../口\"(淚)我盡力了...><!!
 不要打我AR><!!

今日我終於可以"咩"新書包返學la,,

係個黑底紅花既outdoor..

嘿嘿,,同學都話我個書包好睇ar!!

我都好多年無"咩"過書包返學了,,

感覺好舒服,,個肩好似無以前果種好重既感覺,,

不過我好驚整到佢好dirty..

放左學返屋企,,ar媽係度搞衛生,,我就去沖涼la,,

點知ar媽問:"喂,,你男朋友係咪有第二個la??"

我果陣因為楓谷唔知點解成日cut,,心情唔係咁好,,

咪好低沉咁話:"無ar.."

佢都未問夠:"我沉晚聽到你傾電話話佢有第二個既??"

跟住我開始唔耐煩:"係la係la!!佢有第2個la,,得未ar!!"

就係咁,,我地又鬧交了,,唉!!

佢話:"有本事你自己搬出去lo!!你仲要靠屋企ga!!

仲要睇你面色!!你去問下佢ar媽係咪咁!!

仲有ar!!唔好上網ar你!!有本事自己交網費la!!"

唉,,我都好想搬出去,,我好想離家出走,,

我唔想對住ar媽,,我真係覺得做佢個女真係1件好難既事,,

我唔知要點做ar媽先可以唔好鬧我!!

我呢個人最憎比人鬧,,1鬧就無面比!!

無錯!!我係要靠屋企,,無可否認!!

但係!!我唔係扯線公仔,,咁多年黎ar媽要我點就點,,

我都有情緒,,點解得ar媽可以發洩,,

我唔可以??老豆唔可以??點解係都要日日嘈!!

ar媽成日話我脾氣臭,,但佢又知唔知道我點解會咁??

我想反抗佢喳!!無論我做乜,,佢都認為係有問題,,

我真係好無助,,我都想堅強d,,

但ar媽何嘗有講過1d鼓勵既說話??

佢從來無支持我任何野,,

我每日返到屋企個門口都要冷靜1下,,

但有時佢實在太無理取鬧,,我真係好唔鐘意佢!!

我係屋企除左玩電腦同電視之外,,

無其他野令我開心,,係屋企等於打杖咁,,日日都膽戰心驚..