今日....係呢喊得最多既一日
我未試過喊咁多次...
我喊...係因為2個人hurt得我太勁
早幾日,大家係到傾學生會既事
我諗住唔會插手任何既野,因為我自己都好多野做
但係,我見到xx汶搞學生會,搞到咁亂
所以我就諗住幫佢搞好
我同佢地去食lunch
跟住有人同我地講:
xx花提出同a班一齊搞係因為一齊搞佢就有副主席
最初我聽左,我真係好好好嬲
所以我就話唔好俾重要職位佢地做
叫佢地做組員就算
跟住返到學校
xx花同xx玲就同我講左好多野
佢話佢地質疑xx汶既能力
唔止佢地,包括呀sir
例如講左佢冇咩能力做到,政岡又唔得,態度又有問題
而且佢地係因為無人搞所以先幫手搞學生會
仲有d野,但係我唔太記得
於是我就叫佢地唔好出學生會,我咁樣同佢地講:
"xx汶而家只係唔夠成熟je,俾d時間佢,佢真係有心搞學生會"
我叫佢地唔好走,係因為唔想大家分化,因為大家仲要對住年半
之後佢地就勉強地留低
放學,xx超同我講:
"而家我去同xx花同xx玲叫佢地出學生會"
我話唔好,因為咁講就一定會出事
點知,佢都係講左,唔聽我講
我心知大獲啦~
原來,xx超之所以去講
係xx汶佢地幾個人一齊傾出黎,跟住玩遊戲輸左個個就去講
xx汶佢係其中一個,跟住仲話有d男仔咁講:
"佢地2個女仔係到我地就唔參加學生會,有佢地無我地"
呢d野係xx汶,黃翠x等人同我講
到左第2日,我就去同xx花同xx玲傾幾句
係我專登搵佢地既,因為我驚佢地誤會xx汶叫xx超講
同埋唔想大家有d咩怨恨
我就出於咁既立場,去同佢地講
希望可以將怒火減至最低
個2個女仔咁同我講:
"個仆街係到扮哂野,以為自己好有料咩,我地而家俾人誤會我地好有陰謀,好卑鄙lor"(仆街=xx汶)
我於是係咁講唔關xx汶事,只係有其他人唔想佢地參加
佢地就係咁逼我講邊個邊個
我無意想講,但係佢地又認為成班搞學生會既人都係唔想佢地參加
於是我咪話有男仔唔想佢地參加
之後講講下,xx玲係咁喊:
"我而家俾人話我卑鄙,有陰謀呀,成班人都係咁諗我地呀!!多得你地啦"
佢地咁樣講,唔通我仲要懷疑佢地真係有陰謀?
我咪講:放心,你要既話,我可以幫你去澄清你地唔係咁既人,總之唔會有人覺得你地係咁既人"
佢地2個女仔又嬲梓超,咁我咪話:
"你地都知梓超有時傻下傻下,只係一時聽左個傳言先會咁je,解釋返就冇事ga啦"
只係我就去左上堂,放學我去圖書館
見到雷xx同xx陵好似好嬲,仲有xx汶同黃翠x
佢地諗住當住面咁同xx花同xx玲講清楚
咁我咪唔插手,俾佢地講清楚
到左第二日,我見xx花同xx玲有同雷xx同xx陵講過野
我就以為大家冇事啦~
我仲問xx汶去邊食~仲要問左佢幾次
佢都話唔知唔知
跟住lunch,幾個女仔,包括巫xx,xx汶
佢地2個都唔多想同我講野咁既樣
我都無圍意,於是去到聚園見到david佢地,咁我廢是1個男仔同4個女仔食飯,太奇怪
所以就同david食
放學,返左屋企
小寶問我:你同xx汶,xx陵,xx超關係搞到好僵??
我即刻就知出左事,再問落去,原來係xx汶講佢知
小寶仲話:打邊爐個日有xx陵,肥思,順仔,雷xx,驚你地面左左
我就get到~意思即係叫我唔好去
於是我就話唔去
件事就係咁樣啦~
個一晚,我真係唔開心,原來佢地嬲左我
之後有個人同我咁講:
Eric...我相信你都應該知道你地搞學生會搞出好多人事問題 , 但我覺得無論誰對誰錯都好 , 都應該好好反省下自身的問題 , 點解人地會咁對你呢?點解會搞成咁呢?互相調和先係解決問題的辦法而不是啞言相對讓問題沉澱...
我個時唔知俾咩反應佢好...原來我係出左好多問題
我聽完之後,我真係忍唔住
衝左落街,坐係張CHAIR
係到喊....喊左20分鐘
喊到冇得喊......
返到屋企,老趙安慰我....真係好多謝佢
因為我唔開心既時候,唔會有人主動問候我
其實真係幾諷刺,識左咁多人
但係我腦中只係諗到老趙,傻雲同林豪
之後我個心一直痛,痛到訓覺
我今日醒左,坐車,到左學校,企係馬路
我又喊....
之後,上地理堂前,黃翠X同我講:
"佢地覺得你係長頭草,將責任推哂俾佢地"
我聽完之後,我咁講:
"UM...好呀....原來...佢地係咁諗我既...."
我再行...行到課堂,MISS都係到
"我咁樣幫你地,你地咁樣黎諗我?!我一心一意幫XX汶,你地咁黎對我?
我仲好大聲講左幾句,跟住沖左出去..
我忍唔住喊......
我同黃翠X講:
"原來你都係咁諗我~OK...以後唔好再同我講野"
我點解咁嬲佢....因為佢之前知道件事,我仲未知個時
我睇得到佢係唔多想同我講野
原來係因為咁....所以..我真係好嬲佢...原來佢都覺得我係D咁既人
佢返到課室,係到喊,而我,就扮哂無野咁,繼續上堂
因為唔想俾班既人知
結果,D人望我幾眼
我知佢地認為係我整喊佢,但係個一刻,又有冇人知我係比佢喊得更勁??
小息,林豪問我點解唔多開心
我忍唔住,我大喊左出黎,結果令班好多人都知我出左D事
講真個句,我真係好痛.....
我最初係想幫XX汶,但結果換來既係一句
"佢地覺得你係長頭草,將責任推哂俾佢地"
我想問....我有咩得益...??我有咩責任...??
如果睇完以上既野,覺得我有問題既
你地就係呢到,留CM
唔好私底下同我講....
我最後講一句....
"在最壞時候必須卑鄙 在決裂時候彼此妒忌"
雖然我喊,但我唔係一個好蝦既人
我喊係因為我未試過比人傷成咁!!
你地要咁樣對我既話,排斥我既話
後悔既只會係你地,我唔係嚇你地
人係DIN左個時,咩招數都可以拿哂出黎
到時唔好話我係衰人
|
