1月17-18日.天氣又冷又熱.
                                                                                                [西貢camp之旅長篇日記]
  星期六朝早仲未到7點就起左身(-_-我可憐的假期阿),鍾太好約唔約,偏偏要約係早上8點見,我係無乜所謂,但係要叫我老媽子咁早起身,絕對係一項大挑戰- -.敲鑼打鼓再加上三拖四拉,牙媽終於都勉強起左身- -(誇張左)Mr.s鍾讚我有進步,鼓勵我,阿媽當然開心喇,我都覺得自己進步左好多,但都要再繼續努力,從第6爬上去前三-0-(目標).
  買左d去camp食既野就番到屋企喇,10點幾咋,無無聊聊咁睇左下書,又訓左下教- -,就食飯lu,哈哈,午餐超正,媽咪牌炒牛肉,好食到飛起=_=.1點半左右執好曬野就咩住個背囊出發喇.到左學校2點8個字左右,哈哈,見到成班新fd舊fd,心情變得好好.牙銦呢個影相狂拉住我地係咁影相- -,又寫左記念板(比保sir既,詳情一陣交待). 牙輝遲曬大到,但我地都等埋距先至起程,坐車坐左勁耐,車上"自閉月"離群而坐,打機狂牙照,牙福,牙豪起度聯機打,牙銦一路聽mp3一路打機最尾訓著左,- -我坐起牙銦後面一路睇風景一路聽歌,牙祥同牙強唔知做緊乜,後面"姐妹團"維,香,君,美起度傾解同埋大方的同大家share野食.....
  終於都到左,唔好開心住=_=,因為落左車仲要行幾十分鐘既山路行到去營地,原來依度我之前暑假文化新人類活動黎過既,果次去咩文物館,落大雨,成班人行到超狼狽.- -今次d路好行好多,美香維君"姐妹團"=_=一路行一路話攰,唉,我太好人喇,輪流幫距地咩袋,無所謂喇,我唔覺得攰-_-.到左營地喇,唔錯喇,幾令阿.一個員工哥仔同我地講解營地既野,- -講完仲叫我地唔好坐咩搖櫈,話有鬼wor,鬼信咩=_=.不過依度夜晚真係有d陰森既feel. 跟住我地玩一個"好朋友"既遊戲,考默挈,我同牙照一組,玩左依個游戲真係瞭解左距好多.保sir又叫我地寫個名係張紙仔度,每個人輪流抽一張,抽到邊個自己就要做果個人既秘密守護天使-_-,話要多多照顧距,我抽到牙豪,雖然同距唔係咁熟,但我都盡力喇.
  去宿舍喇,條路真係好鬼死正,好有外國風情feel, d宿舍間間都好似別墅咁- -(個樣),入到去,哈,真係幾豪華wor,=_=成班傻仔開心到跳黎跳去,周圍望,-0-包擴埋我.岩岩擺低野落到去操場,- -牙Sir突然跑黎同我地講:"喂,我地岩岩入錯房喇,快d番番去攞野喇,人地等住我地既!".........一個字,"LO"爆,門口成班小學既小朋友好無耐咁望住我地=_=,我地突低頭咁入去攞左d野就狂跑番去真正屬於我地既宿舍,(只見一群lo爆既中學生超快速度咁關左門)0_0....依間屋,同岩岩入錯果間形成一個好大既對比,落差好大,不過是但喇,咪又係攞黎訓教既.
  擺完野落去餐廳食飯,牙豪咁岩坐我右邊,咪幫距裝下飯,夾下餸咁囉,-0-守護天使初步任務完成- -.食完飯活動要正式開始喇,第一個遊戲好似係"大腳八"之類既,- -好複雜,唔知點形容,總之我地單數組嬴左喇,洗講,我地咁團結,口號都第一時間有埋"單數精神,嚇死超人".哈哈,我地嬴左好多既野食.跟住下一個遊戲係超正既探險之旅,姐係要去揾一d係規定既範圍入面既符號,超難揾既,記憶又要好,白天就話姐,夜晚黑牙,伸手唔見5指=_=(又無咁誇),我,牙唐,牙照,牙銦成為一個探險team,去到成個營地最黑既範圍入面揾,我地有兩支電筒,原本就小小恐怖既,但牙銦話輕鬆下氣氛,於是乎就唱起距地合唱團依排練緊既歌,哇,距一唱我即刻起晒雞皮,恐怖左好多- -,我地三個阻止左距既歌聲,喇喇聲揾完走人,揾左勁耐先揾到3個,仲差好多個,-0-不過我地玩多過揾多d,抬頭望見天空勁多星星,我10幾年無見過咁多星星喇,係屋企見到3粒都覺得辛運喇,無話依到多到數都數唔晒.之後撞到香香距地果team,-_-唔知點解突然間唱起左電視入面果個澳門旅遊廣告主題曲,- -成班人high到又唱又跳,最尾牙輝做左個完美既ending:"開心暢遊在澳門."
  10點幾,我地番番到宿舍,保sir同我地分享今日活動既得著,傷感既時刻來臨喇,保sir今次係倒數第二次帶我地一齊去活動,每個人都好唔捨得距,我地等保sir講完野之後,就將一早準備好既記念板攞出黎送比保sir,我地每個人都講左d內心既說話比保sir,仲一齊唱牙sir最鍾意既beond既"海闊天空"每個人都好感動,特別係保sir.兩年喇,由中一到依家,保sir一路帶住我地,教識左我地好多野,距由於工作地點調動既關係,要去馬鞍山果邊做野,所以唔可以再帶我地.我相信保sir會永遠記得呢一刻,我地都會.
  - -由於沖涼既熱水器要煲水,一個人沖涼最好唔好超過8分鐘,如果唔係會無熱水,所以我地輪流排隊沖涼,- -一個人沖完要再等10分鐘先可以再入去沖=0=.依個時候已經係屬於我地既歡樂時間,-0-睇電視,鋤大D,打機,鬥地主,食野,不亦樂乎阿~依d先叫做享受XD.女仔多數黎晒我地果邊打牌- -,我沖完涼過去距地果邊睇電視,-0-蠟筆小新. 呵呵.之後成札癲佬癲婆狂起度影相- -,哈哈,我都影左好多. 玩到1點幾,真係要訓喇,我訓係保sir上面張牀,d人仲係度癲,得幾個人真係攰左準備訓,.唔知點解我好似次次宿營都係訓極都訓唔著,可能係因為環境唔熟同埋太吵,- -我訓到3,4點先訓著.(保sir d鼻鼾聲真係好勁- -).
  朝早7點幾就比人吵醒左-0-,我咪起身囉,- -距地成班人又起度影相.8點半我地全部都落晒去餐廳食野,依度d野超好味.我地又集合開始活動,城網,不過今次唔一樣,比之前果d要難好多,要突破自己,to be brave.打頭陣既係勇士牙強-0-,牙強嘛,緊係好強喇,好快跳左,仲做左好多個引體上升添.-0-為大家起左個好頭,跟住落黎果幾個都幾快既. -0-牙晉完左就到我喇...心情有d緊張,爬上去果陣時個心跳得好快,=_=唔係講笑,個feel好似跳樓....企係塊圓點度果陣時腳好震,不過跳左落去個人鬆晒,咁多fd係度支持我,我好放心架.跟住我地男仔好快完成晒,到女仔,香香第一個,距一路都幾順利,不過跳果時話對腳唔比距跳- -喊左,不過香香都勇敢左好多牙,加油!女仔入面維維最勁,"加油,為女仔做榜樣!"維維聽到依句,好似充滿左力量- -跳得好順利..女仔入面需要加油既係牙may,牙sir同距溝通左好耐,距終於都係跳左,加油!牙君進步最大,雖然喊左,但距都係好勇敢咁跳左落黎.(距應成左我一定會跳).
  食完午餐就執野走lu,大家都好興奮咁影相留念,唔捨得離開依度,希望下次仲有機會黎依個camp玩.~