其實... 今朝知道事實之後~
我真係好唔開心~ 好hurt~
甚至同阿哥講電話ge時候~
明明係公司~ 係d同事面前~
我都喊到收唔到聲~
點解~? 點解我會咁大反應~ 個心點解會咁痛~? 
因為我信佢... 好信好信...
今朝~ 我係咁覺得~
因為我信佢~ 但係佢竟然呃我~
所以我會唔開心~
而且咁小ge事佢都可以呃我~
咁其他嘢~ 我重信唔信佢好~?~~
佢同女朋友關係其實係唔係真係好似佢咁講~ 咁差~?
會唔會都只係呃我~~?
我甚至有諗過~ 佢係唔係真係去咗夏威夷~?~?
會唔會都只係呃我~?~~?

但係當我諗深一層~
其實佢算唔算真係講咗大話~?
可能真係唔算~ 
佢由頭到尾都冇答實我佢幾時返...
但係之後我又開始介意另一樣嘢~~~
咁點解佢唔打俾我~~?~? 到依家都唔打~~!!~ 點解~?~?
佢會唔會到最後~ 都只係同alfred一樣~?~?~~?
我唔否認~ alfred令我有陰影~ 可能我咁諗會對佢好唔公平~
但係我都係控制唔到自己咁樣諗......
再加上~ 佢之前又真係玩過無疾而終......
係因為我太中意佢~ 所以太在乎~ 太緊張~ 將所有嘢都睇得太重~
定係真係咁大件事...
我已經完全冇哂正常ge分析能力~
雖然我會不停咁自己同自己分析~ 之但係之後又會推翻~
再分析~ 再推翻... 再分析~ 再推翻...

算啦... 我依家再諗再打任何嘢都係冇意思~
一切都只係得個亂字~ 又唔會有任何答案...
而到依家哩一刻~ 我可以肯定ge就係~~~
1) 只要佢一日唔打俾我~ 我一日都唔會正常返~
2) 只要佢打返俾我~ 佢講咩~ 我都會一定信哂... 照單全收...
@.@