原來... 已經兩年...
不過我知道就算再過兩年... 十年... 廿年...
我依然係唔會平伏到...

上次同哥哥食飯...
哥哥話我有一樣嘢叻過佢~ 就係handle媽媽過身哩件事~
佢話佢一定冇我控制得咁好...
當時我即刻呆咗...
之後我同佢講... 「哥~ 其實我handle唔到...」
說話都未講完~ 我d眼淚就係咁流...

又有一次... 返緊工... 大埔撲滅罪行嘉年華...
其中一項表演... 有兩個小朋友唱粵曲~ 唱劍合釵圓......
小朋友唱到第二句... 我已經淚流滿面...

我唔識得形容嗰種係咩感覺...
唔知係邊度睇過哩句說話...
當至親死去ge時候~ 都會帶走自己身體ge一部份...

係... 真係...
好似自己已經唔再係自己...
我~ 已經唔再完整... 永遠都有缺失~ 永遠都有缺陷......
有一個缺口...

其實我唔算係孝順女...
至少媽媽在生ge時候我唔係...
我曾經有試圖想像失去雙親ge感覺...
我以為會冇咁痛~ 我以為會冇咁傷心...
我以為我會好快回復正常生活...
原來有d嘢~ 真係唔經歷過~ 你係絕對冇辦法想像...

我好清楚... 我唔係想要安慰~ 我唔係想要人關心~
我只係需要一個出口...
一個邊度都去唔到ge出口...