好喇...
已經好多日冇同大家講吓關於閉關ge事~
其實唔係話懶~ 唔想寫~
只不過係發現所謂閉關...
所起ge作用唔大...
而且... 好似定下所謂一個月目標~
依家睇返~ 覺得有d無聊~
所有嘢都應該係以長遠咁去睇~
一個月勉強落嚟~
根本就唔會改變到任何嘢~!

講咗咁多~
大家會唔會覺得只係erica再一次為自己搵ge藉口~~?~??
哈哈~~~~ 

好啦~
當係閉關ge延續又好~
當係對自己所下ge決定有個交代都好~
erica都係度講返少少近排ge生活同新目標~ 新計劃畀大家了解吓啦~

首先~
erica係15/3~ 開始咗做gym ge生涯~
暫時想隔日隔日咁去~
到現時為止~ 艾域加都依然好享受~~~
覺得好好玩~ 好舒服~ 次次做完返屋企都好好瞓~
個人又冇咁攰~ 精神咗~
重考慮緊之後日日去tim~~~~
(點解講到好似宣傳易d cheap cheap廣告咁ge  orz...)

另外... 就係要戒口...
哩樣嘢~ 可能就要身邊ge大家幫幫手喇~~
因為要戒ge係...... 就係...... 就係艾域加最愛ge甜食同奶...     
至於點解要呢...
事源係咁ge~~~
做gym嗰邊ge pt~
係幫erica set program 之前~
照例幫小女子度哩樣度嗰樣...
然後佢就話... 艾域加ge脂肪值同身高體重根本完全唔合比例...
嗯... 我唔知咁樣講大家明唔明~
不如我以數字說明啦~
佢話~ 以我ge身高同體重比例~ 計出嚟ge脂肪值~ 應該會有24-25~
但係~~~ 我只係得19~
而一個最fit ge女仔~ 要有ge脂肪值係15~
根據一切表面證供(佢重有問我一d其他嘢)嚟睇~
係我ge胰島素出咗問題~ 
所以... 小女子係水腫... 嚴唔嚴重我就唔知lu...
不過佢就話~ 如果我肯乖乖戒甜...
一個月~ 至少可以瘦10磅...
>.<

至於奶呢...
我相信大家都應該有眼睇~
艾域加最近爛面爛得好緊要...
一直非常納悶...
erica明明已經戒咗薯片ga喇...
點解... 點解~ 點解會咁~~~!?~?~ 
原來佢話... 應該係小女子飲奶飲得太多...
因為牛奶入面有大量荷爾蒙......
所以...
就爆喇...

唉...
講到我非戒不可咁...
不過我都唔會話做到完全唔食ge~
(正確嚟講~ 係我做唔到... )
好啦~ 好啦~
try my best 食少d囉...
反正我本身食親甜嘢就胃痛...
早就應該要戒ga喇...

暫時ge新方向就係咁~~~
有咩新動向~ erica會再同大家報告ga啦~~~
大家要支持我呀~!!!!