細個ge時候~ 覺得只有大人~ 先會有信收~
總係覺得好羨慕~ 好「恨」~ 
因為小朋友總係想做大人~!!!
只要係所有大人先有ge嘢~ 大人先做得ge嘢~
都特別新奇~ 特別馨香~

依然記得~ 幼稚園~ 玩得最開心嗰日~
就係老師叫我哋問daddy / mummy 借衫衫~
返學校舉行「爸爸/媽媽模仿大賽」~~
然後小小艾域加(當年重未開始叫艾域加呢~)就tick tick撻撻~
著住對大十個碼以上ge高踭鞋扮大人行catwalk~~~~!!!

亦都記得~ 媽媽話我細個做過令佢最哭笑不得ge~~
就係將佢d唇膏當胭脂~ 搽係塊面豬dum仔度~

每個小朋友ge心願... 都係變做大人...
每個大人ge心願... 都係保持童真...
亦都係因為哩個原因~ 
little erica一直好期待可以收到自己ge第一封信~~~
而依家ge erica 呢~ 就好努力咁細味從前...

我已經唔記得~ 我ge第一封信係咩人 /  機構寄嚟~~
但係我到依家依然記得~  收信ge嗰份喜悅~
有人話~ 只有第一啖ge雪糕~ 先係最好味~
不過~ 收信所帶畀我ge嗰份興奮感~~
從來冇因為收信ge次數遞增而產生絲毫ge變化~
就算有~ 都只會隨住寄件人ge名字而改變~

但係... 朋友~ 你重記唔記得~ 你上一次收到~
有人親手寫畀你ge信~ 係幾時~~~?~??~
erica... 係year 2 ge暑假
嗰年ge暑假之後~~~
我已經冇再收到過任何人~ 用手寫ge信~

可能有人會話~ 小姐~ 你咪玩啦~
e-mail 日日係咁嚟~
收到你唔想收啦~

可能~
e-mail真係好方便~
e-mail真係節省好多時間~
e-mail真係可以減卻好多麻煩~
再現實少少咁講~ e-mail重可以慳埋你買郵票ge錢錢...

但係...
我冇辦法從你選取ge字型~ 去想像你當下ge心情...
我亦冇辦法從你ge e-mail address 知悉你身在何處~
我更加冇辦法係enter 與 space 之間感受你ge心思...

「Long time no see 終於再見~
   你有冇再咁天真揸筆寫信件~~?~
   想想當天到今天再遇見~
   我氹你氹我笑聲走咗去邊~~?~ 」   

   節錄 《Long time no see•軟硬》 軟硬

行書局~ 揀信紙~ 拎起支筆~ 寫... 發呆... 再寫... 再呆...
鑽研信紙ge摺法~ 精挑信封封口ge貼紙~
貼郵票~ 放入郵筒~ 計算對方收到信ge日期~
推測自己收到回信ge日子...

明明郵差一日只派一次信~
又蠢又心急ge自己就每朝每晚都去開信箱...
然後~ 總會係完全冇預備ge情況下~
發現信箱入面~~
有幾張紙~ 安安靜靜咁等待你~

信唔會知道你等咗佢幾耐~
佢唔會知你有幾緊張~ 有幾雀躍~ 有幾開心~
佢亦都唔會理會你對佢有d咩ge期望~
佢只會忠實咁傳達另一方ge話語~~
有時候... 信入面會有傻笑~ 有時會有眼淚~
有時會有失望~ 憤怒~ 喜悅~怨恨...
會心痛~ 會歡樂~ 會徬徨~
所有ge情緒~ 你都唔可以預期~ 亦冇辦法控制 / 改變...

依家ge erica~
雖然再冇可以等待ge信~
但係每日返屋企ge時間~
都會下意識咁望一望信箱~
有時都會見到信封上面~
用工整ge字體列印出「Law Yu Man」幾個字~
我知道信ge對象係我~
不過~ 我亦明白裡面唔會有任何正面~ 甚至負面ge情緒... 
我只會將信順手放入袋中~ 等待無聊ge時候拆閱~

佢哋有時係銀行月結單~
有時係電話費單~
有時係保險公司ge宣傳廣告~
美容資訊優惠~
信用咭繳費單etc etc~~~
收到ge~ 只係公式化的~ 大量印刷的~
計算過的~ 形式上的......

原來有d嘢... 過去咗~ 就係過去咗~
大個女就係大個女~
當你不再擁有天真ge時候~
你都唔會遇上瀾漫ge經歷~

但係~ 我只係希望~
已經付出ge純真~
對於曾經接收ge人...
同樣係一段美好ge回憶~
一切ge付出~ 都冇白白流逝...