同我同年紀ge人~
相信大部份都係聽sammi~ 安仔大~
最近無論係朋友仔ge blog~ 定係msn名~
好多都係談論緊佢個演唱會~
搞到erica都有d身癢想去睇吓...

相信~ 如果係十年前ge我
就算幾冇錢~ 都會去睇~
但係依家呢~~
就算貴飛~ 都畀得起ge~
不過... 真係少咗份衝動~
亦都有d覺得... 嗯~ 「好似唔值啵」......
真係冇咗嗰份好想睇好想睇ge感覺~

曾經~~~ 曾經真係好中意佢~
佢d快歌~ 真係好正~
依家聽返~ 都重有哩個感覺~
而且我真係覺得~ 講快歌~
到哩一刻為止~ 香港ge女歌手當中~
都重係冇人可以同佢比~!
叮噹~ x派對~ 十誡~~ chotto等等~ 表演時間~
男仕今天你很好~  顏色...... 氣味~ friends~ 熱愛島~
真係好多好多~

但係到濃情嗰隻碟~
已經只係有少少屬於「習慣」咁去買~ 去聽~
又唔係話唔好聽~ / 難聽~
不過~ 唔再係好似以前咁中意囉~
再到咗生活語言之後~
我就真係再冇買過佢ge碟~
對佢ge興趣~ 亦都跌到近乎零~
原因~~?~ 其實我自己到依家都講唔出原因~
係佢轉變咗~ 定係我大個咗~?~

但係~ 今次哩個演唱會~
照大家推斷~ 佢應該係會唱大量舊歌~
而艾域加亦都已經到咗會成日「想當年」ge年紀... orz...
所以~ 都真係有少少想去睇~
借sammi把聲~ 借sammi d歌~
去過一個盡情回憶ge晚上...

其實依家每次睇佢ge戲~ 聽佢ge歌~
都有d好奇妙ge感覺~
諗返起佢陪我行過ge時光~
有少少類似見返舊情人ge感觸~
當年~~ 重係用walkman~ 聽cassette呢~!!!

今晚~ 就係佢演唱會ge最後一晚喇~
我唔會去睇...
不過~ 都會係心入面支持佢~

sammi~ 加油~!!!