事隔太多日~
基本上~~ 傻人日記寫幾多我就記幾多~~
所以一切都係放工之後ge嘢~
哈~~ 請大家見諒~ 我會努力d追ga喇~!!!

今日傻人屋企做節~
可能係我孤陋寡聞啦~
真係第一次聽到有人屋企會做鬼節~
不過其實做咩節都唔緊要啦~
都係巧立名目~
一家人坐低食返餐咁解ga je~~

「一家人」~ 係囉...
一家人呀~~
點解又會有我份ge呢...
講真~ 去之前都真係問咗傻人好多次~
我真係要去?~~?~?~??
不請自來會唔會唔係咁好呀?~~?~~?
不過傻人好堅定咁答我﹕「係~ 」
咁我都冇嘢好講啦~~~
死就死啦~~~

好彩呢次傻人屋企唔係全數出席~
而且有幾個重係隔離屋~
當晚同檯ge都只係得傻人媽媽~
四個阿哥加一個阿嫂~ (傻人總共有6個哥哥一個家姐~ )
不過我都係依然周身唔聚財咁...
只好發呆... 點頭... 傻笑... 再發呆......

我諗我真係唔多識點同長輩相處~
唔好話係男朋友ge屋企人~
就連自己ge屋企人~
好多時我都會係咁dead air唔知講咩好~
其實唔係唔關心~ 唔係唔鍚~ 唔係唔在乎~
只不過可能真係年紀有一定差異~
生活圈又唔係有太多交集~
想打開話題都唔知可以從何說起~

呢d嘢~ 係唔係要學都學唔嚟ga呢~??~?~
算啦... 做返自己就得啦...
唔好諗咁多喇...