今日係人山人海擁抱綠色和平ge大日子~
又係咩都唔使講啦~
返工做過d咩~
畀人插咗幾多嘢~
踩咗幾多個氹都已經唔再重要~
重要ge係~~~ at 17~~~~!!!!!!!!!!!!
當然唔少得明哥~ v記~ pixel toy~ 有耳非文等等等等啦~
講你都唔信~
我竟然係第一次睇at 17 同明哥live囉~!!!!

因為記憶已經有少少模糊~
以下可能會有少少亂同先後不分~
請大家多多見諒~

首先我要講ge係~
明哥~~ 我愛你呀~
點解你又真係會唱嗰首ga~?
當初聽到呢首歌ge時候~
我真係有幻想過如果可以聽你唱就好呢~
你又救返一首歌喇~
oh yeah~~~~!!!!!!
到底係咩歌~?
咪就係關智斌ge預言書囉~!!!!
一首曲同詞艾域加都好愛~
唯獨係演繹得不甚了了ge歌~

明哥即係明哥~~
冇得傾~!!!!!!!!
而且~ 下一首更激~
令你更驚喜~ 又吹啤ge係...... 萬水千山總是情~
冇錯~~ 係汪阿姐嗰首呀~
「莫說青山多障礙~~~ 水也清水也靜~~~~~~~ 」
但係明哥真係唱得好有feel~ 好型囉...
真係o哂嘴~!!!!!

再落嚟我想講吓v記~ 李端嫻~
佢其實只係唱咗一首歌~
呢首歌~~~ 講真~ 已經有過太多個版本~
太多歌手翻唱過~
我自己記得/知道ge有eason~ at 17~ 何韶詩~
相信一定重有ga~
只係我唔知/唔記得~
其實以上講ge三個版本都好好聽~~
加上原唱~ 亦都非常唔錯~
但係v記呢個版本...
我覺得~ 已經唔係好聽唔好聽~ 又或者有幾好聽ge問題~
而係一份感動~ 一份觸動心靈ge震撼~!!!
有d當頭棒ge痛快~ 又有d痛心疾首ge無力感~
我覺得v記唔單單係唱「活」一首歌~
佢更加係為呢首歌加上曲同詞以外更深層ge意義......

跟住就係pixel toy~~~~ 佢哋現場感覺同我想像中有好大分別~
唔知點解~ 我突然覺得佢哋有d商業~
我指ge唔係音樂風格~ 而係台上ge表現~
或者係因為當晚同一個台上有太多唔同風格ge表演者掛...
但係夏春秋的確係high~~~!!!!
冇唱o~oh有少少失望...
何山好搞笑... 哈~~~

再嚟就係只要唔講嘢~
就幾乎完美ge有耳非文~
oh my god~~
佢把聲真係會融咗我呢~!!!

講咗咁耐~~~
手指都打到有d痛~
都係時候請我ge壓軸出場喇~
佢哋當然就係at 17啦~~~~~~~~~~~~~~~~~
二汶~~~ 艾倫~~~~~~
救命呀~~
你哋殺死我啦~
點解你哋可以將藍天與白雲唱到咁咁咁好聽ga~!!!!!!!!!!??????????????
我買飛後~ 入場前真係完全冇諗過「如果可以聽你哋唱xxxx就好喇」~
真係完全冇諗過~
因為你哋唱咩都一樣咁好聽呢~~~~
救命呀~
雖然出咗intro我都認唔到你哋首歌~
但係請你哋唔好懷疑我對你哋ge愛呀~!!!!

暫時講住咁多先~
希望我d回憶會慢慢返嚟~ 然後再講多d啦~!!!!!!