其實哩件事已經發生咗一段時間~
不過一直冇時間寫低佢~~
但係真係太爆喇~ 都唔知好嬲定好笑~
所以一定要寫呀~!!!!!

事情係咁 ge~~~
話說有一日~ erica 由屋企行緊去地鐵站搭車返工 ge 時候~
畀兩個中年女士截停~

女士 A:「呀~~~ 靚女~~~~ 太子站點去~?~」

erica 內心 VO 「頂~ 乜 Q 嘢靚女呀~!?~ 最憎 d 人亂咁叫~!!!」
雖然係咁~ 不過 erica 都依然好有禮貌咁用手指示方向~

點知......
女士 A﹕「太子喎~ 太子站喎~!!!!」
erica 即刻有少少火~
內心 VO 再次響起「頂~~~~ 唔信我就咪 Q 問我啦~」
但係把口依然保持禮貌咁話「係呀~ 係哩邊呀~!!」

點點點知......
女士 A﹕「喂~ 我同你講~ 我哋就大陸落嚟ge~ 
           唔識路~ 依家問你~ 太子站點去~?」
erica 已經冇咁好氣咁~ 再次指出「同一、正確」方向......

好彩哩個時候~ 有一個阿叔行過問兩位大陸女士要去邊~
如果唔係 erica 都唔知要點講佢先肯信我冇老點佢哋......

小女子問路同畀人問路 ge 經驗都真係唔少~
不過問完唔信人~ 又或者答完之後畀人質疑~
都係第一次囉......
真係有十個 O 嘴~!!!!!