其實哩篇已經過期好耐~
個展覽都已經完咗~
不過我都係要寫~!!!!
事出於之前同傻人去牛棚睇家駒 ge 回顧展~

個展覽雖然展品其實唔多~
但係~ 其實大家都只係去懷念家駒~
並唔係真係期望會有咩特別嘢睇~
所以絕對唔會有所謂 ge 失望~

而喺近出入口位置~
有一張長長 ge 袖卷~
畀大家留言畀家駒~

見到 ge 時候~
第一個反應~ 真係好感動~
點知~
下一秒鐘見到 ge ~
就係哩個情境......


頂~ 你當自己係邊個呀~?~?~
你以為你係明星去睇首映~!~~~~?~?
尊重吓場地~ 尊重吓家駒~
尊重吓自己做緊ge嘢好唔好呀~?

最抵死係... 佢唔係唯一一個......
我同傻人~ 基本上係完全一樣 ge 反應......
呆站現場數分鐘......

睇住一個又一個當自己係明星 ge PK
寫低 d 類似「到此一遊」ge廢話......
當場真係好想爆一爆......
可惜我只係敢怒不敢言 ge 冇膽鬼......
只可以將哩度幾個星期都出唔到 ge 一口氣~
係自己個 blog 打一打......