呢幾日，

我的心情都開心慢慢變番晴天。

是因為我已經很久未見過你?

不但如此，我地就連傾計都沒有，

我換左手機都冇通知你。

也許我已經緩緩地習慣了。

今朝一早就出左去補ICT，

$100有4堂，抵到爛。

一補就補到12點幾，

食完野，歸家。

冇野做，煲火影。

煲到攰，瞓。

瞓左都應該好耐下。

醒左就攞住本書睇，

一睇就睇到11點。

今晚問左小花有咩功課，

(睇死佢掛住"｛"明白''泰文｝)，

睇泥聽日會好忙。

好忙丫，再忙D就可以冇時間諗起你la~~

今日同soyan佢地出去食飯，

其實背後是有一個陰謀，

就是去大排檔不停飲酒。

雖然最後陰謀可以得逞，

但結果就唔係我想要的。

一開始我不顧後果的飲的兩杯，

之後，一個人飲左兩支。

當我想再飲多幾杯的時候，

個天好似唔想俾我飲咁，

雨愈落愈大，

我唯有埋單走人，

未醉就已經走左。

回想一開始飲酒，

係全家都飲，咁我就跟住飲，

後來發現自己都幾飲得。

去到中二，

我同第一個女友分手，

之後就約左fd去k房飲，

當時我還可以飲醉。

到左中四，遇到你，

我又想再飲過，

只是我發覺自己經過多次的練習後，

已經再醉唔到，

醉左，乜都唔使諗，幾好呢......

"如果重有唔甘心，

表示還未到放棄的時候。"

呢句說話係最近睇楊丞琳新戲度學番泥的。

經過幾日的洗禮，

加上見到幸福滿瀉的樣子，

我愈來愈覺得我的決定是對的，

而且我再沒有覺得唔甘心。

今日下午，

我將我的新電話號碼send左俾大家，

應該俾的都俾左了。

或者你重未知道我轉左手機，

如果你知道，

就請你唔好怪我冇俾你，

亦唔好問我攞，

就當我自私的為自己留下一點點的尊嚴。

這樣不代表我已經唔愛你，

"我會學著放棄你，

是因為我太愛你。"

今日瞓到一點，

聽起來好健康，

但其實我成四點先瞓，

仲要係瞓一陣醒一陣，

只是到一點先肯起身。

之後照慣例開電腦，

好好咁plan下28號同soyan食飯的流程。

之後就開始寫第七章，

故事終於開始入正題，

雖然知道自己的文筆實在麻麻，

但我是一個有始有終的人，

都好想寫埋個故事佢。

是的，個故事只有幾個人知道。

也許對佢地泥講我的故事只是無聊之作，

但其實在故事的背後，

都是作者的憧憬或感受。

如果你是TANYA，

那他就是EAGLE，

我就只是CYRUS，

我踉你的最後，

亦很大可能是無疾而終而已......

今日去左新界一日遊。

先去濕地公園，再踩單車入南生圍。

踩單車的時候好舒服，

但又會不自覺咁諗起你。

或者比風吹下個人真係會清醒些：

我只是想到如果我打算在你們之間糾纏下去，

不但會令你感到困擾，

最後傷得最深就只有我。

"我知道我們都沒有錯 只是放手會比較好過"

或者，

由我把你從我的生活中抽走可能會是最好的方法。

60922641

呢幾個數字已經跟左我好耐了......

我諗依加正是時候可以令我忘記你，

新的8個數字已經啟用了。

唔俾你知道可能係最好的結果......