今蕉同Mo Mo玩MSN，
玩到禁上下就出粉嶺火車站食早餐。
跟住就搭火車去旺角，
行左一陣去基督教中心(旺角堂)去集合，
原來我地下午去休閒農莊，夜晚去大埔夜觀螢火蟲。
入到休閒農莊第一件事就梗係唱詩歌啦！
之後農莊d人就教我地整燈籠，
因為中秋節既原因。
跟住就教整冰皮月餅，
一講冰皮月餅我就念起Mo Mo買左七盒冰皮月餅比佢屋企人，
我真係好想留番舊冰皮月餅比Mo Mo試下。
之後就係燒烤時間，
燒到六七點到月亮開始慢慢升起，
可以睇到月亮升起係我既福氣呢！
過多差唔多半個鐘，
d冰皮月餅已經冰好，
第一舊試食梗係食番自己果舊啦！
原來個餡好甜，
但係個皮太厚，
挍到冇嘜味。
跟住就出發去大埔睇螢火蟲。
原來我地去大埔郊野公園一路行山，
一路睇下有冇螢火蟲。
我由低處望上去一條大大既斜路，
因為裏面太黑所以好似一望無際。
我都係第一次行夜山，
所以初頭行入去好驚，
但係越行得耐就越唔驚。
唔知點解。
沿途都見到好多螢火蟲，
有一隻仲係我身邊飛過添！
|
