尋日去左黑沙燒碳  好好玩~

不過尋日真係俾人激死

晨早八點俾人嘈醒

不過我典床典到八點十先肯起身

同維維去左超市買啤啤

再上noble屋企拎野

之後去左巴士站

打俾王同學,,叫佢準備,,上左車再打俾佢

上車哥一刻我叫其他人打..因為我電話冇乜電- -

點知....佢地一d反應都冇

過左兩個巴士站我先爆左句"做咩冇人打俾王同學ge??

仆街了....維維即刻打俾佢叫佢拿拿臨死落樓

點知架車到手坑尾個站哥陣停都冇停過

四個人o哂咀哂望住個巴士站經過

心諗....仆街啦..佢實嬲死我地了

又打俾佢同佢講...慢慢得啦,,,,我地走左啦..

收左線,,推卸責任ge時候黎啦

講左一陣  得出一個結論

個個都有錯(詳情唔講啦~)

去到見到班長仔已經幫我地霸左位~

最火爆就係siko姐

耍大牌咩而家....叫人早d哥個係佢

最遲黎哥個又係佢= =

佢話岩岩落車行緊入黎

叫佢去買d野,,佢又唔肯

食得最多又係佢

最早走都係佢

如果唔係同班我一早爆粗鬧左佢啦!

最後淨番四個白痴...讓左個爐俾人

d袋唔知點算= =

結果搵左某膠龍幫手~

擺哂d野系佢地到

四個白痴落左水玩~

玩玩下成個人浸埋落水

好采有帶衫去換啫~

上水哥陣好凍呀!!!

番去拎衫哥陣仲要聽到有人話"嘩!個爐好暖呀!"

真係頂佢個肺......

入到廁所維維仲要同我爭

話"我要同膠盈share毛巾呀  你過隔離啦"

我就讓左俾佢

不過,,,,,佢入左去之後

我醒起...佢d衫系個爐哥邊wor....佢咁快沖做咩呢?!

之後某膠龍又打俾我話佢地走嚕

叫我過黎睇番d野

過多陣阿柑又打黎話"佢地走啦...我要睇住d野拎唔到衫俾維維呀!"

結果....我自己行番過去幫佢拎野  好陰公呀

哥陣真係好想鬧維維

八點鐘番屋企  hea左一陣番左館坐

三個不約而同去左燒烤ge人都不約而同咁番左去坐~

個個都哂到傷哂....

都唔知幾時先好番...orz