20090602
尋晚(今朝)溫書溫到三點先訓 朝早番學 買左罐咖啡
飲得好開心 考試哥陣發作啦= =
MISS一派左卷 即刻開始肚痛
舉手同佢講 佢叫我等多5分鐘 有人過黎俾我出去
頂.....唔等得啦 冷氣好凍
肚痛..睇野好矇..出冷汗 好難受呀!
一出左課室即刻唔痛 不過手腳痺哂..orz
系護理室到飲左杯黑糖水 食左粒糖冇事嚕
不過我又自己攞黎衰ge...空肚飲咖啡 未死過~_~
放學為左唔要同佢地同車 自己一個人上左架7號
諗住兜耐d先番到屋企 點知.............................
社工局哥邊條路有消防車停左系到 封鬼左 行番塔石條路囧
維彤真係好 將我頂EXILE LIVE TOUR 2009帽 塞落書包
搞到佢扁哂啦!!!!!!!!!!!!!!!!!!!!!!!
邊有人考試得閒到系屋企睇EXILE ga...shy
20090601
今日考數 識哂~*v*
我同阿柑好快落左break 傾左一陣計
開始溫rea 溫溫下 維彤落左黎
佢一黎到就不停不停不停講野 完全溫唔到
結果我借買野飲為名同王同學走左去第二到溫 = =
放學同noble講左好多野 包括維彤呢單
原來佢ge諗法同我好似 好開心*v*
20090530
今日noble生日 我係第二個同佢講生日快樂ge人呀~!
放學同noble一齊番屋企 同佢傾計
講佢媽媽d野 講講下我又講番起今年哥個 “生日不快樂” 過得好難忘呀
好一個星期六 咩都冇得做 冇得溫習 冇得打機 冇得上網 冇得番館 冇得出街
星期一考數 + REA 溫唔溫都一樣
仲有五日 我就大大大大解放
唔做衝鋒隊 多左好多時間出黎
所以我決定考完試出大陸 ~ ( 我終於搞番個回鄉證啦*v* )
20090529 - FRIDAY
今日考國文 5題問答識3題 仲有2題吹出黎的
篇作文作到眼濕濕《最值得緬懷的那一段時光》
我諗冇人估到我寫咩ga啦~
雖然寫到好似有d離題 不過寫ge野全部都係真ga
一句都冇吹! Ending係「珍惜眼前人」
生物有37格填充 識34格!*v*
尋晚有人問我幾時考完試 我答星期五
佢覆番我一句 “聽日考聽日完” 唉...我都想呀
考左一日已經半崩潰 幾時先捱完黎緊哥10科呢?
20090528 – THURSDAY
今日訓到一點起身開始溫書
溫左一陣生物已經唔想溫...轉溫國文
一邊溫一邊食...食食食.....食食食食食..
一個雪糕+一枝水+一個包仲有......哈哈!
時間表明明寫住八點九先開始考試
但係就要我地八點三番到....咁早托咩!八點半都唔遲啦!
美夢無限期延遲...我唔想做衝鋒隊呀!
20090527 - WEDNESDAY
下晝收到潘小門電話 佢話考完試啦
淨係補考一科 我聽到..我自己都覺得好開心
因為之前又聽佢話n科唔合格..好驚佢又留班
我話佢聽我驚衰國文哈!佢居然唔記得左旺財生日 過左20日嚕..
不過十年都唔見一次 唔記得好正常啫∼
潘小門失左蹤成個月
就話等埋我考完試一齊出黎wor!好感動呀 *v*
佢答番我 國文好容易..因為冇問答冇詞解…orz
而我ge國文有63條問答 + 241條詞解等住我背
佢一日考一科 我一日考兩科呀= =
|
