話說而家裝修，出街就一定要房門lock好

中午出街買野食，番到黎一擰.....開唔到！試左好多次都唔得！

打俾娘親求救，仲俾佢鬧我做咩唔試清楚ｄ，我辛辛苦苦行地搵佢拎鎖匙，再搭車番屋企

點知佢把鎖匙都開唔到！！（啫係我岩岩白行）我有諗過爬窗入，但係又閂密哂．．．我走去試下另一道門得唔得啦，得左ｗｏｒ！

入面有一袋袋ｐａｃｋ好哂ｇｅ雜物堆到成座山咁高！仲要阿爹部ｎｏｔｅｂｏｏｋ

雖然冇得上網，但係搵ｄＤＶＤ睇下都好呀嘛．．點知連ＣＤＲＯＭ都傻左！咩都做唔到！

廳又冇得出，咩都做唔到！

我對住部腦哭泣左一陣，醒起我仲有Ｄ筆系呢間房！跟住我就將呢個慘痛經歷寫底！

哥陣４點幾，我要等我娘親５點放工再買埋餸番黎先救到我

佢番黎啦！試下個鎖，佢一開就開到．．．．．．．．

哥陣五點十，我即刻執野諗住番集訓啦，執執下．．．唔番啦！

好嬲呀！點解娘親開到我就開唔到ＷＯＲ！悶左成個下晝，網又冇得上，一直聽住Ｄ裝修聲！

一出廳周圍都係灰，連廁所都灰！我頂唔順啦！點解裝個修咁煩ＧＡ！！

天呀！點解你要咁玩我

原來一個人被困得耐真係會癲ｇａ！！

我成晚都系到發脾四，乜都覺得好煩好煩好煩好煩呀！