今日返學搞一搞番D野
之後返屋企一返到就開電惱
點之初時第一次開NO SIGNAL ,之後再開 開到,不久又NO SIGNAL
之後部機開唔到,又係個mon不停盞又綠又橙,no signal

心想：『肯定又係display card, 上次第一次壞display card又係咁 』

之後嘗試整極也整不到,之後拿去西灣河整
之後佢試下display卡,又試火牛,佢果隻火牛換入我部機即刻得
真係火牛壞了 >_< 又$150 檢查維修+$248火牛共$398
$150好唔抵.....檢查維修
最衰唔知壞乜,如果我知係火牛壞,去買火牛自己換,$150也慳番
天啦,點解上次壞唔壞埋要分開黎壞,分開又$150

所以奉勸大家要買機真係唔好買細機
細機d火牛....我新機01年買03年壞火牛拿番原廠
而家06年又壞火牛,2 3年壞一次,再加上Acer更差

大機d火牛真係好好多
我家姐電腦開足7日成日bt也冇事,我冇成日開住都死
大機同細機真係分別,細機勁差

整完之後就去大快活食個下牛茶食完返屋企
返屋企途中見到主人同隻狗行,隻狗之後聞我,個主人躲埋,睇下隻狗認唔認得主人,
最後都認得,走番去主人度
返到屋企之後駁番D線,之後就上網了
跟住隻手突然好痛,肯定拿電腦去整又拿番 番黎果時用了好多力
一來一回都幾辛苦,由愛東去西灣河幾近下,但拿住電腦唔痛至奇
肯定聽日訓醒仲痛,上次都係第二日特別痛

跟住夜晚九點幾阿媽打黎叫去銅鑼灣食飯,唔係團年飯,團年飯年廿九先食
之後去沙爹王叫了一個白咖喱豬扒飯套餐,阿媽佢哋叫沙爹牛肉粉絲,
點之個沙爹牛肉粉絲黎到冇牛肉,之後換,笑死,叫沙爹牛肉粉絲冇牛肉都得,
跟住我個白咖喱豬扒飯套餐有個田螺送,佢最初俾五隻,跟住走過黎話俾錯,
俾二隻果碟 ><唉知道一早食左去 xDDDD
食完之後就走之後行了銅鑼灣一陣,幫阿媽拿野,佢果袋唔知乜野黎,勁重,
一路拿一路隻手勁痛,冇晒力拿野,唉.......好辛苦啦

之後就去維園行入到去都唔算多人但唔算小人,起碼最小可以睇到野,
年廿九行只有迫點會睇到野丫
行行下五後見到有Keroro即刻去睇買了個DoRoRo電話蠅,
跟住見到D人拿住石油氣罐,都唔明D人買黎仲乜,買黎放火?
一路行一路聽到某檔D小販大叫"乜狗都有",我心想 乜"9"都有 xDDDDDDDD
跟住見到有個檔賣吹氣較剪佢個檔名叫 【剪狗去】 ,我又想不如剪9去 xDDDDDDDDD
之後又見到有檔賣拑公仔幾好玩呀,成個花市D野都係呃錢
行到凌晨一點幾,之後去搭巴士走,等了好耐也未黎,起等越凍
我著得一件衫 勁ma?又凍又疲倦隻手又痛,等了好耐之後阿媽話搭小巴,我當然唔搭
最後都等到N2X,返到去屋企成二點

返到去之後換買了果個DoRoRo電話蠅,點之我試打入黎唔黑燈,
之後拿屋企人果部試,打黎竟然著燈,跟住又係我電話轉去2G打黎都著燈,
一轉番3G唔著,唉..個3G乜都唔支援,msn又唔得,電話著燈又唔得,
好廢丫,比月費貴過2G乜都唔支援,好想即刻cut左去

幾日無寫日記了
由3/1/2006寫起先

3/1/2006星期二
今日一早起了身之後就食了一點野就立刻溫JAva,夜晚測驗呀,昨日又冇咩點溫
溫到五點幾之後沖涼落去食個下午茶食完後就返學測驗,返到去得五個人測驗,勁小人丫,應該有九個人
其他果四丁友唔知去了邊,之後一路做發覺份卷幾深丫,頭果題仲要問D理論我邊有溫丫,到8:30得番我一個仲做緊,勁無"耐",做到8:45就決定走唔做,唔識丫,之後就打俾個friend睇下佢係邊一齊食飯,本來想去西灣河大家樂火窩,去到冇晒,得番芝士火窩,之後返去愛東商場一樓果間餐廳睇下仲有無火窩,點之又冇,之後就出去食扒王之王宵夜餐,我叫了個牛扒$43 抵到爆,二個人食了$8x,食完後返屋企了

4/1/2006星期三
今日中午起了身之後換衫返學搞D野,到五點就走去炮台山食吉野家下午茶,食完後就走去睇下有冇DigimonVer26卡,果間好抵,所以先去果間...唉...又未有,唔想去灣仔買,好貴呀,跟住就走去炮台山間網吧玩下RPG一去到唔洗DL就玩到,勁正,因為我上次叫佢裝GA,玩左二粒鐘,玩玩下隔離有個仆街睇鹹野,勁無"耐",一直都唔敢周圍望,唯有專心對係自己部機玩LA,之後玩完搭地鐵返屋企

5/1/2006星期四
今日星期四唔洗返學就訓耐d,訓到二點先起身之後玩下電腦做下D lAB,到五點就落去食mCDONALD'S,食完後就想起今日六合彩五千萬,想去買返$10博下,點之去到馬會見到勁多人排隊,又要等,於是唔買(其實係唔敢入去買丫未入過馬會好驚驚,入去一定俾人問夠18未,次次同D FD 去機舖打機都幾乎問我夠16未,唉>_______< 我個樣太細個咩?)之後就返屋企,係地鐵上黎果度見到和記寬頻,於是問下價,因為個I-CABLE到期唔知續唔續,問問下同果個SALES傾了15分鐘............之後去買CoCo未去到報攤果個人已知我係咪買coco.....
唉,買到熟晒,之後就返屋企,跟住就食媽咪係工展會買果D串燒、火雞脾、仲有蟹粉小寵包

6/1/2006星期五
今日星期五又係唔洗返學,到夜晚有個fd打黎叫我陪佢買i-pod,之後就落去等佢,未見人過去對面新開間麵包舖買個麵包食先,之後就行去海濱公圍睇陣人打波,一路睇一路勁凍仲要拿住盒凍飲,跟住就返番去下面等,等成半粒鐘先到,跟住屈佢去ok買熱飲,買完行去太古城,去百老匯買I-POD 2GB ,買了$1550= =唔係我丫,之後就去UNY、太古城行陣,個FD之後就要食鐵版燒,就去食啦,等唔洗五分鐘就有位,叫了牛肉片同尤魚,係佢前面即燒勁正,有湯飯菜同芽菜,食了只不過每人$4X-5X,唔算貴好好味丫
不過細了小小,之後就去麥記買野飲搭地鐵返屋企了,跟住夜晚肚餓自己煮宵夜食,食完去訓啦

7/1/2006星期六
下午悶得濟冇乜野做於是就去柴灣行陣,太耐冇去了,之後去到柴灣入去吉野食個下午茶先,食完之後就去環翠、永利行下睇下D玩具,模型同卡,但無收獲了,之後就係柴灣行返筲箕灣,好近丫行了半個鐘xd就返到屋企

8/1/2006星期日
今日想去電腦節於是六點幾約個FD去,去到之後行了一陣都冇乜野睇勁多人勁迫,又話有DIGITAL CAMERA$199,邊度有ㄚ,之後入了高登睇,行了一陣見到PSP $14XX 勁想買但無錢/__\,跟住就去西九,點知行錯方向行了向旺角方向,即刻倒頭行返去西九,之後就係西九逐層行,見到車仔檔買了小小糖尤魚絲食,跟住見到某間舖勁多kERORO勁想貴丫,差唔多行完就走去明將食壽司,拿了位見勁多人於是去惠康買D野飲,惠康咪有D八達通分數,$12.X先得果0.06分,呃人既,之後去番明將竟然咁快叫晒人,好彩有位,跟住就拿壽司食,食黎食去都係果D冇第二D,三文魚又冇放出黎又要叫,叫了二碟三文魚食完都唔想再食三文魚,勁難食,食其他壽司仲好,二個食左廿幾三十碟,但都係$88 ,每位$44任食勁抵不過冇乜款,又唔好味,之後臨走時 間野都關門,但仲見到勁多壽司冇人食,都唔知D壽司佢掉啦定留番聽日,要客食隔夜壽司,都係下次唔食了,之後就搭地鐵返屋企返到去成11:30了

唉...終於寫完六日日記了好辛若,而家凌晨4:45,好眼訓啦,足足用了差不多二小時
但臨訓前有D野要講埋,唔講唔得,我已經受夠了
大家有入CHatroom都知有個叫456的人
佢呢幾排不斷挑起我d火,係度撩架嘈,我都冇同佢撩架嘈,佢就要專登同我撩架嘈
又係yahoo geocities網頁話我身為壇主爆粗,我可以同你講我對其他人係好小好小爆粗,
我對你呢種人先爆粗,我對住你乜火都發晒出來,又係rain前講我點爆粗,阿Rain都識唸都知你係D乜人
你知唔知你自己好黑人憎,好多人極討厭你(我、LXXXX,OXX,MXX,AXX,CXX,TIGXX,TAXXXX,仲有好多好多.......甚至連你自己的親生細佬也討厭你,同你絕交),你反省下啦
成日同人撩架嘈,撩到人乜火都出晒,又做過D野又唔承認你做,仲要同我嘈話有乜証據
睇下呢種人幾賤啦,我個日記都唔知第幾次講你,唉........................\_____/

今日係2006年1月1日,新年快樂
今日一起身就同屋企人落去食早餐,食完後返屋企開電視睇美國現場直播倒數
睇完後開電腦玩了,到5點幾之後就同朋友落去食下午茶,食完之後去買書
買完後返屋企睇電視上陣網之後食飯...........今日都冇乜特別事便生
但到剛剛野晚2;00我同Rock2000傾緊計,一路都冇乜野,點之突然有D怪怪地,佢....又放........我.........
之後我問佢係咪456,佢話唔係,之後我用一招一定可以識破,放完後佢又放,果時已肯定係456
之後係msn見到 Rock2000 acc不斷登入,果時已更明顯,一個福msn頭像係rock2000,一個福msn頭像係456,
睇下456幾賤又欺負佢細佬係佢自己電腦偷rock2000 msn pw登了 rock2000 acc,冒rock2000,又唔比rock2000係rock20000 自己電腦登入msn