今日我真係好唔開心....我終於都明白我o係呢一個家
既地位去到邊?到底我今時今日做既所有野都係錯既
我唔應該咁早要生左雪瑩出黎...我初初以為就算點.
家人一定係最好既傾訴對象..但原來都只係我自己一
廂情願咁為呢一個家而付出...錢既問題就大大改善左
我而家所擁有既野...由我一出世到而家..生活得最開心
既竟然係活o係11至13歲既時候...因為記得果時我仲係
有爸爸媽媽既照顧下成長...每一朝返學都會叫媽咪幫我摘
瓣..有時仲會一家大細o係屋企打邊爐..一齊跪地打邊爐呢種
感覺真係好開心...因為呢d日子到我15歲起都已經完全消失了!!
我細細個原本以為我o係咁多朋友中最幸福最溫馨既家庭成長~~
但原來一切為生活費而破裂...我到17歲有左雪瑩果一刻我真係
完完全全咁失敗..生活唔再同以往一樣..自由自在...開始要接納
新既事物..要面對旁人既所有冷眼...面對未婚媽媽呢一個稱號真
係好難受..更傷害性最大的是面對男友既一走了之~~
果時我真係超級唔開心...就係因為有家人的所有支持下決定生
左雪瑩...冇耐我就出去工作...返工返到幾辛苦都要捱住..到底今
時今日係為左d咩~~但我一樣野好肯定係為左雪瑩...由佢出世
我都冇比到一個健全既家庭比佢生長...我一路都係o係出面住冇
對住個女..足足都有6年..我自問到而家我都仲未識得去做一個媽媽
因為我一路都係顧住自己..感情方面更加唔再講...一定係散拖多
我既印象中記得有一次15歲屋企比人淋紅油既果一日..
我咁岩o係我男朋友屋企..收到屋企人既消息我即時返黎睇咩事
因為媽咪o係澳門賭錢輸左錢而借左貴利數..果時好驚唔知咩事~
我唔知咩事錢既野我一d都幫唔到手..就係因為避債而搬左去天水圍
我真係唔明點解一個家可以咁樣..就係因為個錢字??
我20歲開始做野...每返一份工我就諗緊我唔應該係咁...
做野做到22歲...到爸爸o係澳門又賭輸左錢...呢一次我
有幫到手..o係我之前做野辛辛苦苦儲既3千蚊再問人借左3千
加加埋埋都有6千幾...一次過左冇回頭...真係好唔開心...
就係因為唔想家人有事....又開始咁樣做野儲過...直到我咭
數9千幾蚊...家人一d都幫唔到手..我唯有自己去問銀行借錢
一次過借左3萬蚊..同左個b搬出黎住...攪掂左呢條數真係
輕鬆左好多...但我果時搵既錢只係8000蚊..又要還錢比銀行
又要比租..又要比3000蚊家用.一個月只有唔夠一千蚊既駛費
600蚊用黎搭車..只係用300一個月既膳食..足夠嗎 ?
到左我同個b散左一切都冇了...又要返天水圍投靠屋企人
但好快又搬左出去...更加後悔既係果年既新年o係花旗借既13000
蚊.呢一次我唔比個b知道我o係花旗借錢..用自己既銀行戶口...糧單
同身份証借錢..借左錢仲要比人話借咁少..我都唔想..借左自己
更加手頭上好緊了 ~~8000蚊減左之前千幾蚊...呢度又要還...又要
交租..點負擔得起...因為問銀行借錢一定好過去信貸公司..
我就去恆生借左34000黎還晒所有錢....銀行都批左..
我果3萬幾蚊還左13700比花旗..同個b散左果度又要還返12000
有淨既錢就用黎之後生活費~~之前係講左我未還果d錢之前係
唔駛比家用我先去借...但我冇比3個月錢..屋企已經好唔掂
咁我又每個月比少一千...到尾我自己一個月都係得返唔夠700用
自己儲落既都唔夠下個月既生活費....到底點解會咁呢 ?
直到我又o係ua借左錢...d錢根本就好似冇還過咁..仲一路增加
我想生活好d姐~~點解會攪到今時今日咁呢 ?真係好唔明白
就係因為個賭字..而攪到咁樣...我冇o係旺角住返左黎天水圍
更加生活得唔開心...唔明點解我唔可以安安樂樂咁生存
我o係湘川滬做左個幾月..真係好累~~點解唔體諒下我既
唔係家人既支持係最重要既咩....我仲每日都同媽咪嘈...
又嘈我唔返工冇錢比..白食白住...我真係好唔明呢一點
到底我生存係為左d咩..係幫手還債 ?到今日我先知...
原本我一路咁為呢個家而付出根本就係白費...我幾個月
我一出糧盡量買足成個月既野食...每一次都用幾千蚊....
但原來我咁做係錯嫁...我唔應該買...我應該係要比錢佢地
比錢佢地打牌輸晒d錢先安樂...我唔想我唔想再過為錢
而煩既生活丫~~我真係好辛苦..我真係好唔想生存..
但我有個女..唔可以再咁自私再一次令佢冇埋媽咪
o係我生活既字典裡面有咩都係為下一代既生活而煩憂
唔係佢地咁樣對我地先至咁叫好丫~~我唔想個女過d唔係人既生
活..我一定要走 呢一次我更加唔會再返轉頭...我係冇爸爸
冇媽媽嫁..我要單方面同佢地提出斷絕關係..只要咁樣雪瑩先
唔會o係錯誤既成長下長大...我已經決定左唔會再回頭望佢
地一眼...我好憎恨你地...我有樣野我好問你地.....
到底我係唔係你親生嫁...[呢個答案我諗我已經知道了 ]
|
