27.5.07

10點啦，仲以為今日可以休一休息，點知都係要打。

講樣野比你聽，其實我每日都會諗定係交換日記打咩，但係過左一震就會全部唔記得晒，所以每一次上到黎，差唔多都係解答你啲問題，又或者係嘅興，想打咩就打咩。好似琴日我個篇咁，完全係答你啲問題。有時，我甚至要對住你個篇blog，我先打到野出黎。平時你地睇我可能，好有急才，轉數好快，但係好多時都真係死撐。

之前睇過一個星座測驗，「十二星座－最愛扮堅強頭五位」，第一位，係射手座。好準，準爆，我真係好多時都扮堅強，好多時口話無野，個心就好似卡通片咁，碎裂左，好似23號排球比賽咁啦，我知你地都睇得出我唔happy，但我個口都依然話無事，無事。一方面我唔中意人地煩我，但，令一方面，其實我好想有個人唔問我咩事，可以就咁比我攬住狂喊，佢既工作就係比我攬住喊，同攬住我得啦，唔洗做其他野，人工一百蚊，一個鐘，有無人肯做呀？←(突然搞起gag來...)但係我無咁做，依然繼續上堂。

有時我都好配服我自己，可以咁堅強一個人受發所有野，咩都唔同人講，又唔會喊。

哈！幾勁呀！下年奧斯卡仲唔係我拎？！

我要用幾耐時間，先可以搵一個，明白我，識睇我面色，唔可以問我咩事，就咁比我攬住狂喊，同攬住我，既男/女仕呢？

等等登番個廣告,「誠徵!明白我，識睇我面色，唔可以問我咩事，就咁比我攬住狂喊，同攬住我既男/女仕，年齡不限！有意請電:xxxx 1420!」

p.s.下款都唔想打

其實我仲有好多野想打...

10:35

一打完禁「送出資料」，話「網頁錯誤」，有種想爆粗既感覺。好采啲野無唔見，唔係我就打爆個電腦！