你老闆!!我又唔J記得我想打咩喇..睇下我仲記唔記得啦!!今朝返學個時..聽到d蟬係到叫..仲要係環回立體聲的..大聲到唔可以再大聲..好''林''..

上英文堂個時..miss yue無啦啦係到喊..我好驚..唔知佢有冇事..仲有我係個d見到人喊我又會跟住喊個d人黎..我驚我又喊埋一份..不過好采都冇..

放學王國安又同我地一齊行..佢講個句..佢地唔係轉入黎既咩..真係..好搞野..仲有佢個樣..

其實兔仔牙哥哥都唔可以話係比人鬧既..只係比亞sir講左幾句啦..

頭先返屋企個時聽到2母女係到講野..個女一直都冇出到聲..所以唔可以講係佢地2個一齊講野..就等我打佢講過d咩先

''我叫你考第一..你又唔考第一?(<--呢一句重複左好多次..)..我叫你去食屎..你又唔去食?我叫你做咩..你都唔會做嫁啦..點解你叫我帶你去邊就要去邊呀!!下!!仲係到話..講過要做得到..咁你又做唔做到呀??下..我依家叫你去考第一呀!!聽唔聽到呀!!''

個女好似好想喊..但又喊唔出..真係..我都冇野好講..

行緊返屋企個時..我又係到諗..如果個個女仔係個d考到第一既人黎既話..咁個亞媽係呢個時候會講d咩呢??會唔會係''我叫你去考最尾,,做咩唔考呀??做咩成日都要考第一姐..''

不過我諗諙有人想自己既仔女考最尾呢??我真係好無聊呀!!!!

無聊婷