我前幾日去camp,都真係幾開心。我去嗰幾日見有人哭、有人笑。究竟個幾日有冇趣事,等我講啦!(有D自大)

      第一日,都好開心架!早上,我約左D同學一齊去行下,買左盒棋,仲扲去玩添!之後,我同一班同學番學校。D老師同我嗰班D女同學講,話可以訓係好「日式」風味既房裡面,我同班同學都勁開心。唸下,去到做D乜,唸起都興奮喇!

      之後,我地就出發去喇!好興奮啊!(過眼雲煙)==(好傻啊!)

........................................................

      終於,到左目的地—營地(營地名字保密)。我聽完老師既指示後,就理所當然去睇下個所謂既好「日式」房喇!點知,所謂既「日式」都只不過係訓地下(有嘢墊住既,放心)。我班既女同學見到咁「日式」既房,都不禁發出一D倒采聲。跟住就要快D換完衫,然後落番禮堂。

      所有同學落曬來禮堂,真係好熱鬧呀!ょわ!每位同學臉上都有唔同既表情架!有D開心,有D疲累......總之就係林林總總,各種各樣,別出心栽,各有不同......喇!之後進行左少少既集體活動,就輪到自由時間喇!營地有幾多嘢玩架,例如：氣手槍、攀石、繩網陣、排球......嘩!都幾多喎!

     當每位同學大汗疊細汗陸陸續續咁番來既時候,就係我地開始燒烤喇!燒烤既時候,我地既主席舉行左兩個比賽,一個係「鬥快起火比賽」,一個係「原『子彈』比賽」(用最原始既方法,用鍚紙包住一隻雞蛋,睇下邊個最快整熟果隻雞蛋)。

     想知仲有咩趣事發生,繼續睇我個日誌,感受一下我去camp既氣氛喇!(e家先講緊第一日既5：30~7：30既事炸!)

     仲有呀!只要有一直留意我個日誌既讀者,就知道我有寫故仔架喇!不過呢排都幾忙,同埋個故仔寫得都幾爛,驚D讀者唔鐘意睇呀!不過如果讀者想繼續睇,請留個言喇!

     一定要繼續睇下我地去camp既情況呀!

     一定要繼續睇下我地去camp既情況呀!