２３／９／２００８

今日頭兩堂ＣＯＭＰ，基本上我用左一堂打瞌睡，之後ＢＩＯ小測，今次溫得唔熟，尋日自修室溫左都記唔入腦，所以題題都記錯晒∼∼真失敗。。。

ＬＵＮＣＨ後３堂ＰＨＹ，佢教左那些東西我要一段時間先理解到，因為俾以前既概念誤導左，所以總係覺得有Ｄ題目怪怪地。。。

放學學校清場，因為８號風球即將來臨，我去左圖書館準備聽日做組長要做既野之後去左自修室等掛８號風球，因為原本我倆菠蘿７點幾一齊補習既，但係如果掛左８號風球就取消，所以我由４點一路坐，每半小時聽收音機睇下掛左未，等到６點終於掛，圖書館既人都趕我地走，咁就可以安心返屋企了。。。

原本屋企今晚零晨２－６點會停電，但因颱風所以取消左，我仲不斷希望聽日唔洗返學，可以俾我休息一日，緩和上課進度