返到學校，一拎Ｄ糖出黎，自己食左一粒，之後就俾人搶晒了，自己買反而食得最少，大蝕本呀！！！中文堂ＭＩＳＳ　ＨＯ播歌叫我地聽修辭，答對有獎，最後我都答左一題，當補償我既損失。。。ＬＵＮＣＨ好趕食完飯就返圖書館幫ＭＩＳＳ影相，聽日都要。。。英文堂ＲＯＢＥＲＴ　ＬＥＵＮＧ代ＭＩＳＳ　ＷＡＮ，呢兩堂英文對我來說我覺得好充實，比ＭＩＳＳ　ＷＡＮ好好好多，但我諗全校教英文最好既應該係ＭＩＳＳ　ＬＥＵＮＧ，佢教真係可以提升我地既英文水平，不過佢好嚴，如果遲佢半秒入課室冇超合理既理由都要罰企，真慘。。。

３０／１０／２００７

呢幾日ＭＩＳＳ　ＷＡＮ都唔返，請左假，喉嚨又唔知咩事了，不過ＭＩＳＳ今日同聽日都返黎睇我地個ＳＢＡ＆俾分，今日關伯又來了代課，又講番個自稱最長３４個字母既英文字，不過上年佢冇代之後冇幾耐有另一個講左個好似４６個字母既英文字，真吹脹。。。今日雙數既人考ＳＢＡ，我係其中一個，好緊張，到我講既時候，我將大部分專注力都集中在個ＣＡＭＥＲＡ度，中間開始就有Ｄ唔熟了，感覺上成日望ＮＯＴＥ　ＣＡＲＤ，好似仲有１－２秒ＤＥＡＤ　ＡＩＲ，不過有一樣野太離譜了，其他人發現唔到，唔知ＭＩＳＳ那裡有冇聽到，就係我唔小心將ＨＡＲＲＹ帶ＣＥＤＲＩＣ條屍返ＨＯＧＷＡＲＴＳ好似講錯左做ＨＥ（ＨＡＲＲＹ）帶ＨＡＲＲＹ條屍返ＨＯＧＷＡＲＴＳ，但唔知點解呢度讀得超流利喎，希望冇人發現到啦！太樣衰了。。。後來瑞祥入黎，我唔知點解對眼轉左過佢那邊一下，剛好ＭＩＳＳ望住我，佢見到我對眼轉左過去一下，所以佢都望左去後面，唉。。。唔知幾分呢之後５點９同薇去旺角補習，補完陪佢行番過學校那面，在地鐵站散，跟住見到公，佢叫我陪佢行去創興搭車，我陪左佢過去，佢叫我陪佢食埋野先走，佢話佢請，所以我就答應左佢，跟住去左大快活食，因為其他地方都冇位。。。之後去左買糖，因為萬聖節，我買左約３０蚊既棉花糖，最後返屋企了！

２９／１０／２００７

今日既Ｐ.Ｅ堂跳舞呀，跳牛仔舞，好肉有Ｄ難，雖然我都可以話係識，不過我同小妍就差小小既合拍，希望我地可以順利學識跳呢隻舞啦！仲有小妍識得數清楚個拍子啦！之後放學我、影、朱＆宇陪威一齊買電話，最後睇左５－１０分鐘就已經睇中了，揀左ＮＯＫＩＡ６３００，今次佢係第一次用電話，所以我地只係作功能上既介紹，但如果俾我再買電話既話，我都唔知要部好，而家睇中左６５００Ｓ，好似幾好，不過下次換都可能係過左會考出去做野賺錢之後先買得。。。最後我同佢地散開左，我去加洲紅拿ＤＯＴ　ＪＵＮＩＯＲ積分卡之後返屋企了！！！

２８／１０／２００７

今日同我、影、ｓｎｏｏｐｙ、ａｍｙ、戴。。、婕＆冠輝一齊同芷婷慶祝生日，去左ｎｅｗａｙ唱ｈａｐｐｙ　ｈｏｕｒ，１點至７點半，唱到個個把聲都沙晒，哈哈！我諗只有一個人唔唱都已經係咁，雖然佢唱左好少，不過因為佢唔舒服，加上ｄ歌佢唔鐘意唱掛，所以大部分時間都打機。之後我４點幾中途走左，因為要補習，所以走之前就一齊食左蛋糕，補完就即刻返返黎，唔知我去那段時間有發生咩事呢？？我都想知......今日真係好開心，因為有一班人一齊同芷婷慶祝，同埋唱左好多歌，已經兩個月冇去過呢ｄ地方了！！！把聲都有ｄ沙。。。

下面ｄ相係我地玩偷拍既時候影，個不過影唔到個主角既正面，只得側面！！！