８／２／２００８

今日係年初二，今早發左個好想願望成真既夢，就係我可以自己好自然咁彈到一首好好聽既音樂，那時在夢境既時候都感到好驚訝，因為係第一次，所以我超開心，但係唔知點解會冇左下文，真係好希望呢個願望可以成真呀！！！∼∼∼

下午去左大圍自己屋企拜年，本身在那裡食飯，但後尾遷移左去油蔴地既親戚度食飯，４點到，跟住打麻雀，打到７點半，只賺左兩蚊，仲額外賺多１０蚊，哈哈！！跟住一路食飯一路睇煙花，之後打啤牌，９點幾就返屋企了！！今日既收穫都幾豐富，有６封利是！！

今日表哥又不斷引誘我家姐叫佢買ＮＤＳ，所以我同我家姐就諗住一人俾一半買，知道Ｒ４絕種，會加價，希望到時成ＳＥＴ買唔好咁貴啦！！

頭先同屋企人傾居屋既野，真係好想買，不苛過冇錢，如果真係買，將來就要靠我同我家姐供，所以最好就希望聽日我爸爸可以中３Ｔ啦！！