１６／４／２００８

依我既記憶，今日係朱先生的生日，但跟據佢網誌既報導，佢卻話４月１４日係佢生日，而我亦問過其他人，都話佢係今日生日，算吧！無論你幾時生日都好，我都送你一首生日歌吧！

普通話唱：朱你生日快樂，豬你生日快樂，我們一起祝願你∼∼祝你生日快樂！！！！！！

下午去左補習，我到左，上去三樓拍卡，佢叫我落一樓上堂，一轉身，梁蘊棋就在我面前走出來，原來佢同我補同一個，不過唔同時段，今日有三班一齊上，我地落到一樓拍卡，跟住條龍排到上２樓，等左約１０分鐘，終於可以入去，入３號房，點知唔夠位，跟住全部人一齊行上３樓，我都走好後，見前面咁多人，所以我同個ｆｄ走另一條梯上去，最初仲諗住坐𨋢，原來只得我地兩個咁行，上到去，有部分人仲要擠在梯間，我好似好賤格咁。。。上到去，又要等，因為ｄ學生仲上緊堂，ｄ職員竟然叫ｄ學生提早落堂，等左約５至１０分鐘，終於入得去，我地又坐番平時坐開既位，但呢班都唔夠坐，剩番既人好似就去另一間房上，唔知係唔係又要趕埋人地班ｄ人出去呢？

今日既場面係第一次，總共遲左約半個鐘先上堂，最後佢送左兩樣野俾我地，一張係生字都些卡，一個係錦囊，佢叫我地唔好拆，我家姐話係一粒魚肝油同埋一道符。。。

去地鐵站坐車返屋企既時候，行到差唔多入閘既位置，個警察截全我，叫我拿身份證出黎，今次係我第一次俾警察查，可能係因為我那時肚子不太舒服，而且袋書又重，我行路既時候有少少東歪西倒既現象出現，加上我大熱天時穿長衣服且便服，以為我係那些吸左毒品既人行路都失平衡那些人掛∼∼

睇我個樣都知我係個乖學生啦，都唔知香港警察點解會有ｄ咁既人去做，可能因為學歷要求唔洗太高等等既因素掛，我拿住咁大袋書仲查我身份證，佢對眼生於邊度嫁，ｃａｌｌ上台ｃｈｅｃｋ我身份證簡直係浪費警力、時間、電力、氧氣。。。∼∼∼而且亦會有電波，危害我地既健康，加上而家警隊轉左既新系統又差，好似會出現阻塞情況，令某ｄ警員唔能夠即時匯報一些緊急既事件，簡直係間接危害社會及大眾人士∼∼不過我光明磊落，行得正、企得正，驚佢查我咩，夠薑搜埋我身吧！！！若然係有時間在查人身份證，不如四周巡睇下有冇ｄ咩可疑既交易啦！我諗唔洗連每日查人地既身份證都要有一定既數目交差吧！！！

１５／４／２００８

今日照舊那個時候等芳，佢未到，我打俾佢，第一次通，但係瞁聽，第二次直到我打十多通都係飛去留言信箱，問薇薇佢又唔知，我打去佢屋企，響左成一分鐘佢阿媽聽，好唔耐煩咁答我佢返左學喇。。但係我在地鐵站等佢等左３個字佢都未到，整到我都唔知點好，所以返左學校先，但佢又冇返，所以我又胡思亂想，驚佢俾人捉左，我一打去，個匪徒聽到電話響，就找出來，然後關機這些情節。。。下午我去左ＹＭＴ跟愛一起溫書，食野既時候打俾芳，終於打通了，原來佢只係訓過龍。

１４／４／２００８

今日返左學校小禮堂溫書，溫左一天。。。