１７／４／２００８
今日超無奈，返左學校班房溫書，之後無啦啦俾人趕左落小禮堂溫，寧靜既氣氛消失晒，全因為５Ａ班那幾個女子所造成既，佢地躲在廁所溫書，所以副校就開左個小禮堂俾佢地溫，跟住叫埋我地落去。。。。
晚上補習，我轉番黎太子上，因為琴日撞左期，而太子呢班亦係我平時上開既３Ｖ１Ｌ，只係最後一期唔知點解會諗到一個溫書方法，所以專登走遠Ｄ補，等我坐車既時候溫書。今日這堂我check過係video班，因為我之前轉過其他科，個職員話ＶＩＤＥＯ班唔可以轉去ＬＩＶＥ班，見到呢班ＯＫ，所以就轉番黎，點知無啦啦變左ＬＩＶＥ班，初時都唔知，係佢無啦啦入黎我就嚇左一嚇，不過都上左幾堂，見慣了，而我亦有收穫，因為這堂ＬＩＶＥ班貴其他班＄４０，而我則用＄１０就上到，今堂無啦啦有咁既安排唔通係個天想同我講叫我如果升到中六的話要繼續讀呢科？
晚上點到家中，一望向電視機，先知道原來而家係一號風球，希望這個颱風對香港沒有影響，而由今日開始直至５月２０日這段時間，香港、深圳及海南島都風平浪靜，有着春天清涼且晴朗的天氣吧！我相信一定會冇事既！！
以下係汛之天氣預測：
 
一股颱風－－浣熊正以時速每小時一百三十公里逐漸向本港鄰近的區域迫近，天文台現已發出一號戒備警告信號，預測明日多雲，有幾陣雨，吹清勁東風，氣溫介乎22至25度。但颱風卻會即將在中國內陸地區登陸，對香港影響不大，所以市民請放心，繼續進行日常活動，而應屆會考及高考生亦希望能全力以赴，做到最好，考取佳績。今日既天氣報告完畢，各位晚安。
|
