今朝10點鐘起左身了!

媽媽今日唔洗番工!就叫我一齊去食早餐!

食早前就幫媽媽交d費用先!

再去等佢黎一齊食野!

食完之後就打算開個戶口比自己..

但係無帶所需既野..

唯有聽日先開啦><"本應打算食完就番屋企嫁啦!

但媽媽話去亞姨屋企!..

我又見自己太無聊--就當出去行下!

同媽媽一齊去左天水圍><"

去果時同左死神同豪傾左陣電話..

唔錯呢!傾傾下就不知不覺到左天水圍了!ka

去到亞姨屋企!佢地整左d我好耐無食過既印尼小食!

正丫~好回味果種味道呢!

本身打算玩陣電腦..但係上唔到網...!

咁就算啦..搵d野搞下~

就同1歲幾既表弟玩下~同埋我見到表妹架單車壞壞地!

見到我又手痕了!即時問亞姨有無十字批果d野..

整左幾個字..架單車比我整番好了!

又幫亞姨整得番上網^^"

好有成功感呢!到左5點幾了!

就同媽媽去左街市買餸..買左好多好多--"

抽到我都手痛><"

到左7點幾先番到屋企!

好充實既一日丫^^"