今朝好早好早起身.."

4點幾就要起身搞好晒d野..

5點半要到華明..

第一次咁早起身丫!

去到碼頭..又未可以登記..!

唉~要我咁做起身都唔知做乜鬼"

今日做既野唔多"諗住會早少少收工..

點知..要去機場.."咁就死得啦..!

次次去機場都要成4-5個鐘..!

今日去到一個倉..條友好串.."

其實勁想罵番佢..但係都要忍呢!

做完都成8點收工!

坐車番去仲慘.."塞車..

呢掛硬係覺得自己好黑仔.."

又整親腳..落雨果陣又無帶傘..

搞到自己好倒楣呢!

睇黎要拜多d神..叫佛祖保佑下我￣▽￣〣

今日我又同我fd又一齊去玩!

今日同佢班朋友一齊去左會展睇show!

今次都係我第一次去呢><"

見識真係好少...睇黎要多d出黎增廣見聞了"

今日既show係棟篤笑黎"

見d人又唱歌又講笑..好正"

最佩服都係果d用口黎扮music既人.."

真係扮得勁似呢!

睇完個show就坐船去尖東到!

第一次經過星光大道..."

咁就緊係踩晒咁多隻手印先好走  kaka(好衰格..)

最後大家都各散東西了!

我就去左搵大強..行左一陣就番屋企"

有人同我講會考生去海洋公園半價@o@"

搞到心旭旭好想去囉!

希望佢join埋我去!

諗起海洋公園..十月一定去玩!

唔知有無人同我一齊去玩呢!kaka

琴晚去左fd屋企訓!

夜晚晚係到無聊睇鬼故..

睇睇下!有個故仔係用拍背黎嚇人"

突然間,,睇睇下有野掂我隻手...

嘩!比佢嚇死..原來係我fd隻貓.."

比佢搞到毛管幢晒!

睇到3點幾就訓左..訓訓下隻貓走埋上黎同我訓呢=="

到左今日11點幾就起左身!

之後同亞姨去食飯..."

今日食飯係我有史最食到把口無晒力既一次"

叫左碗雞排飯..

d餸仲多過d飯...把口唔攰都難-0-"

食完飯就我fd一齊去佢既教會!

識下佢d朋友..

同佢地玩左d遊戲"感覺佢地好nice"

相信可以做到好朋友^^"

到左夜晚同佢地一齊食飯"

食完就去左勁小去既地方..機鋪!

睇人地玩!睇一睇都過左兩個鐘..

感覺幾好玩..下次得閒都去玩下先 haha~

好充實既一日丫^o^"