講番係星期六晚先~

我都係一樣照常8點30番跆拳..

但今次番到去..d師兄叫我唔好練咁多野..

因為今日就係比賽了~所以唔好整傷自己!

而番跆拳果陣..我好大頭蝦..

因為比賽要用跆協證呢..但係因為我要考跆拳升帶試~

所以交左比教練...搞到要教練番屋企拎番張野比我..

勁唔好意思><"同埋我好臨急臨忘咁係呁問人借d比賽用品..

好彩多得師兄借比我..如果唔係比賽真係唔知點算...

真係好多謝d師兄~番完跆拳後...就番到屋企...

12點先食飯...因為要準備好多跆拳野..

可能係第一次比賽..有d緊張既關係..

搞到成3點先訓..但要5點半起身...

7點鐘出發了~就要9點到比賽既地方..

開頭唔係好夠訓...所以唔係太多精神...

到左比賽既時侯..我終於見到我第一個對手..

嘩!我睇過佢磅..110kg...救命丫..

開頭唔係好知點打好..之後教練叫我玩速度打!

我聽左教練既教導..玩速度果然有用丫..

第一場我８：對方１ 大勝對手^^

過左無幾耐  我就要打第二場了..

開頭見到對手高我一個頭..有d驚驚地的..

但係到比賽果陣~對手動作好慢@o@~

咁我就有機會發圍了!最後我４：對手０!好輕鬆咁過關!

過左無幾耐@o@有熟人來睇我比賽丫^^

當時好開心..竟然有女仔睇我比賽@o@~

佢黎到後  我地傾左陣計..無幾耐

就要打第3場了!第3場既對手同我差唔多咁高kaka..

又有機會大勝..但係第三場打既時侯..

隻腳有d唔聽洗了...開始有抽根既跡像...

只好係小休果陣拉番鬆d根..好彩最後都係我２：對手１　勝左!

但到最後果場....悲劇開始發生..

聽人講對手係上年冠軍..omg!

我一上到場...開頭大家互踢..

而對手既腳好重..分分鐘比我更重..

好不幸..我被打中左幾次頭~好失敗..

雖然最後係0比0..但係我輸在多被警告!

最後輸左了....但今次係輸得心服口服呢!因為對手速度又快  腳又重..

希望下次有機會再同佢打過打!

打完之後就等拎獎了..我拎到銀牌^^開心丫..

但如果我想既人黎..我仲開心><"

雖然打到而家成身傷...但都係值得既..

拎完獎之後  就同d朋友影相..有機會放比你地睇吧!hehe

多謝癲佬  死神  三人既支持丫!山長水遠都來睇我比賽!好感激^^

而家放住1張我個人照先 keke

今日一早就起左身~

就起到溫左陣書..唔知點解!

溫溫下無晒心情..就開左電腦玩陣game

玩玩下連game都無心情玩...

去到3點幾..個頭突然好暈...

成個人暈下暈下..

暈到頂唔順了..就決定去訓一陣覺..

順便留足精神~準備番跆拳!

今次係我中四至中五以來 第一次訓午睡...

但訓訓下又醒 訓訓下又醒  好唔慣..

到左番跆拳既時侯..

今次去左太和到練..一入到道場..

好多好多陌生既眼光對住我..

好彩全部都係小朋友呢..之後果d小朋友就係咁問我野..

又同我傾計~very nice!

而我又教左d小朋友點踢腳..佢地好得意呢^^"

幾好玩既上半節跆拳班,,

幾輕鬆!但係到左下半節既時侯..

有人叫我打搏擊...!但有個師兄叫我唔好打..

佢話因為我要比賽..所以唔好比我自己傷..

唔係對比賽無益呢!之後無打搏擊 而師兄就同我練d搏鬥技巧!

短短3個鐘 學左好多野..又識多左d小朋友 kaka!

咁就過左1日了!

今曰一早8點鐘起左身~

就準備番學補數!

番到去~本身係去圖書館溫的..

但因為人多既關係..所以就轉左去課室!

開頭做數都ok識既..但去要後尾果陣..

好多都唔係太明..睇黎到做多d果一類既數了..

再努力d!仲有好多公式未背晒呢..

到左食飯時間..我地就訂左飯~

本身1點3應該有得食..但架車成1點半先黎到..

搞到好餓呢..食完野之後~

就開始再做數了!但做下做下..

有人玩d我好耐無玩既野..打手..正丫..

玩左無幾耐!有人就提出玩killer~

正!好耐無玩呢~但玩呢隻game最不幸既係..

次次都係我死先..好似變左凡眾憎咁..

下下一開波都死先...慘..

但都算  當同自己輕鬆下吧~

玩到5點幾後..大家就散水了~

幾好玩既一日!仲有~希望豪既病快d好番晒^^!