今日...因為太早起身既問題-0-"

去到一點幾時巳經頂唔順...好眼訓=="

睇左陣片就係2點鐘訓左~

一訓就訓到4點幾^^"

一醒~個人精神晒~之後就準備d野就返工了~

返工時...開頭無咩野做><"

係到行行企企!之後比人叫左去整米!

牙頭話整米時要唔可以令到d米打斜..

咁只好用拳頭打一下..令到d米先唔會斜~

點知..自己用力過度..一拳打穿左包米..

好彩穿左好一個細洞..其間打米時勁好笑...^^"

今日都無咩點~太攰..訓先!有相~

haha~today get up early,, 

8點鐘就彈左起身-0-"

其實係唔醒都難~因為屋企個個都起晒身!

嘈到我跟本無得訓呢><"

講返琴日..成點鐘起身..

又開住部電腦~其實而家開電腦玩都唔知有乜好做..

打機又唔想打(好厭倦)又唔知做乜好-0-"

就只好睇片..dl左我們這一家大電影@o@"

睇完之後..相信眼淺同重視親情既人都會喊><"

因為我太耐無喊過..想喊都喊唔出呢...

講起呢套戲...令我明白到d野..當花師奶同佢個女亞甘換左身份後..

大家既生活都唔同左~同埋佢地更加了解對方-0-"

好彩現實上無咁既事發生..但我都知道屋企人果種辛苦..

其實養自己都巳經難..養埋屋企人仲難~

希望每一位朋友..都好好珍惜現在呢!

講完..到左7點鐘就返工~

掛住8號風球都要返-0-"不過都好既~有兩陪錢@o@"

唔錯唔錯^^"返工拎貨時又大風..明明熱到成身汗..

都比d風吹到好舒服呢!返左差唔多一個星期..

可以話記得晒d貨大約放係邊到..

3千幾種貨~雖然難記d..不過慢慢黎實會記得晒^^"

到左放工..早左半個鐘頭@o@姐係12點..

放工時><"一出到門口..見到成個地下都係樹葉..

吹得好勁@o@最勁都係連我都吹到我郁郁地~

感覺好正~哈哈!返到屋企~食埋飯就訓lu~

係百佳影左少少相=-="post下先^^"

好開心丫..比我等左成10日..

終於比我上得返個blog-0-"

係呢10日有好多野想係到講... 不過因為上唔到黎..

只好要死神受下苦..係咁聽我亂講野 kaka~

thx死神^^"我都知係煩左d...係咁講,,仲勁過d蒼蠅=-="

就等我講由中秋節既前一日先-0-"呢篇野實睇到你地眼花..

等我諗諗..呀!係果日...約左死神同大佬去做gym~

去之前同死神食左d野...跟住就去龍琛到呢!

邊做邊等大佬...哈!自己好鐘意玩野-0-"

一黎就玩超重磅-180磅...(小朋友唔好亂學,好易整傷)

玩完就試下做引體上升..(好難做,睇黎要練多d)

做完gym了~就同大佬佢地食d野..食完去左機鋪隔離既兒童天地!

無諗過玩得好開心..我用左7蚊就挾左2個公仔@o@'

仲要係翼之果隻呢哥拿~so q~^^"

之後再接再厲...又挾多隻@o@"剛剛好我地3個人..就分晒!

估唔到我呢個挾公仔高手..重出江湖都仲係咁勁!

到左夜晚,,死神佢要同屋企人食飯..食完就再會面..

我地2個一齊去左百佳見工~我要實行半工讀..

因為學費太貴..我唔想靠屋企人既錢..只好自力更新~

所以就搵左呢份工..好近-0-"係我樓下...只返夜晚7點..

得閒探我吧..."見完工就買左d汽水..

一齊去豪屋企燒烤呢^^"

本應打算無人會係中秋約我的..點知..

一個信息~哈哈!有人約我玩了!

去完豪到燒烤..第二日就返工!幫淘大手做2日野..

係第一日..成個人都超攰..但返工都幾好玩既!

不過我見其他人本來精神過我..都無mood去做..

唉!又話唔想做點點點點..我心諗唔想做就唔好過黎幫手啦!

黎得幫手就要比心機d...最憎人睇心情黎做野.\口/."

果日做完後..即飛返屋企訓左一陣-0-"

到左9點就約左人去北區公園到玩!一去到..玩兵捉賊@p@"

好正-0-但唔知點解..我次次捉完人,,人地都好快比人救返..

玩到12點幾-0-"大家都話悶..咁只好諗野玩..

我又提過行和合石..又提過去蝴蝶山-0-"點知無人去..

搞到好無癮-0-"無無聊聊行左2個鐘..

最後d女仔話要走..走走下佢地返轉頭-0-話..怕鬼..

咁只好送埋佢地返屋企呢///..

到左3點幾..就同死神佢地食宵夜~

食完我就返屋企~汁好野去死神到訓..(因為可以一齊返工)

訓果時-0-特技人偷拍我訓既樣--"而家係facebook到有得睇..

勁想殺左佢...咁都好影><"到左第二朝!

我地一齊去左大埔到幫老闆拎貨..又入過一個大雪櫃..-20度..超凍"

拎完野又再返工..個人巳經攰到散咁-0-"

但返工時唔可以訓的><"死頂...

好彩做d無咁忙既位呢!唔係真係攰到訓得低..

放完工一樣..飛返屋企一訓就訓到第2朝既11點=="

跟住去左交學費..之前因為唔夠錢..終於問老豆借到黎交-0-"

交完..個戶口d錢即時無晒..返左2個月既海洋公園..

d人工一次過就清晒袋--"無剩..

交完都3點鐘..就同死神一齊去搵百佳既經理..

簽合約果d野...搞掂左就返屋企又訓過-0-"

點知訓一訓=-="第二朝起身竟然係4點@o@"(果日係上星期3)

破晒記錄..從未試過訓得咁耐-0-"足足訓左十幾個鐘..

跟住到5點就返工..第一日返工!都無咩事既..

到左第二日返工(即星期4)...我竟然擺錯貨都唔知..

係第二日比人話到死死下..相信呢d事係正常既=="

人總會有錯..最緊要係錯之後識得去改呢!

唔識改既話唔會進步的!如事呢幾日都係訓到好晏..

就走左去返工了~有一日比我早左起身 kaka~

係到玩電腦~同人傾下計!

有一個人本身唔係好敢同佢傾計-0-"

可能知道自己之前太唔識講野...有果句講果句..

又怕會再次比佢話唔岩咀形啦=="

所以一直都唔敢再煩人~但係前2日..

有d膽同佢傾計掛...或者真係好想同佢fd返啦!

因為之前我同佢搞到關係好淡><"(完全都係自己錯...)

hi左佢之後..無反應,,以為唔so我添--"(正常)

過左陣..有反應..就同佢吹左陣水既--"

可能無再嬲我之前成日亂講野-0-"又或者佢一直都無嬲我掛..

自己諗多左姐...哈!~

黎緊星期五@o@返去大光到探下老師..

可能怕之後無咩機會呢><"但最想探果位@o@..走左--"

唉!堅庭..走得咁快嫁=-="等我探埋你先走吧..."

唔緊要..仲有芝芝果d..順便探d仲係學校既同學囉!

再次係球場上同佢地打排球..真係好回味^^"

打住咁多先~真係好開心可以上返BLOG..等到我頸都長埋"