又要同老師訴下苦................

呢十幾年來做工年年有人退休,

走十個至請番一個。

以前公司响新澤西州有超過一百人做工,

而家得十四個剩低。

真係以一當十,

做死又可以減一個。

後援人員亦買少見少,

佢地做開D工又係我地做埋

今日又落柯打落黎又要加人星期六開OT。

即係未死就要開工,

仲話有工你就做喇,亞之亞佐.............

睇下幾多人冇工做~~~

咁又係既,

鬼叫你窮呀,頂硬上喇~~~~~~

今日朋友生日,叫左一班大哥大姐出去唐人街開左八圍。

今年春宴食左十九幾餐之後到而家先至有餐正既食下。

主人家好似老師咁好曡水,

叫埋D貴夾唔飽既野食到肥兔起碼重左十磅。

唔知阿了姨點招待我地呢?

 檸頭,你肯出嚟一齊食鑊金嘅梗係好喇。
唔知了姨吹鷄吹成點呢?

有冇叫小强校長,八神,BABY BERRY佢地?
意仔到時嚟唔嚟呢?
茶嬸到唔到呀?
應該十日卅日左右落到香港。
已經訂左酒店。
了姨話左請客架,
唔準放我地飛機呀OK?

今年大紐約地區在七月份差不多日日都超過華氏九十度。

昨天更加追平多年來七月廿五紀録華氏九十七度。

真係肥兔油都炸埋出嚟。

唔知老師嗰邊有冇咁攞命呢?

了姨响香港係亞熱帶,應該唔止咁熱添。

係唔係呀?

煎熟件扒王未呀?

今日比較清閒了,早上出去紐約唐人街整番碗艇仔粥,一條油炸鬼。跟住做左四個鐘頭義工(老師知道我攪乜東東)。
 

架車又壞左(政府啲嘢冇人打理架),大熱天時响街度行行企企都幾辛苦架。返到屋企心血來潮响雪櫃度揾幾塊豬扒(了姨,唔好對號入座呀)。十幾隻鷄翼,咁就去後院生火燒之........................睇見啲草鬼咁長都當睇唔到,留番第日先至剪。懒得過就懒囉。