尋晚恩打黎,唔開心,肯定,之後我都廢事出聲,

俾佢諗下野,都知佢打黎係為左有個人陪下佢,

咪陪下佢,唔出聲,俾佢自己諗下,點知,佢電話冇啦啦響,

仲要響完過左一陣之後,喊左出黎,問佢咩事,

佢又好似唔多想講咁,我都唔知點好,咪係佢唔好喊住先,

問佢係唔係唔開心,定係,有野唔開心,但唔同得我講呀?

佢又唔應我,我咪問佢使唔使打埋俾呀欣,等佢同你聊,

恩又話唔使,恩話呀欣自己都好煩,唔太想煩到佢,

跟住講曬呀欣的野俾我知,其實我一早feel到,

冇出聲者,呀欣應該知我知咩事,我係呀欣面前,

輕輕咁提過下啦,冇所謂啦,傻瓜,理掂自己的野先啦,

理人地咁多野做咩wo,自己都未搞掂,就去理人地,

成日都係咁,真係冇佢乎呀,唉,之後恩話想落公園wo,

又一個女仔出去-,-之後咪話陪佢去,反正自己都想靜下,

諗下野,多一個人陪下都唔錯既,之後恩又話唔使wo,

唔俾我出,呢的野冇人管到我既,除左一個人啦,

之後沖個涼出左去,去到成十一點左右,知佢話唔會去樓下個個,

者係去左7樓個個啦,之後上左去,見唔到人,咪搵下囉,

恩知我一定會黎架,佢應該呢埋左,等我搵唔到佢自己走,

但係,係冇可能既事,天意,聽到電話響,穿左啦,見到佢,

拉鬼左佢出黎,死妹釘,呢埋,有乜野都好,同我地班fd講呀嗎,

我地有咩唔講得架?呀欣的野都係咁同你講啦,

我之前的野都係咁同你講啦,我地有冇話咩呀?

冇呀嗎,咪又係咁講,乜都講曬咁制,但係你呢?

開心就一齊分享?唔開心就收埋?我知你講過........

唔想身邊既人唔開心,但係你咁樣我地更加會唔開心,

希望你明啦,之後拉鬼住恩傾計,叫佢講鬼曬的野出黎,

講講下又喊,好彩係7樓,唔係俾人以為我咩佢tim,

之後講曬,又講屋仔的野,唔多想聽,因為,對個個人冇咩好感,

唔知點解,覺得佢好似好鬼衰咁,可能,佢搶左我愛既人啦,

之後同佢落左去ok食左小小野咁啦,傻瓜,又話唔打機,

之後,又打返,唉,冇口此,我就唔同啦,應承左人唔打就真係唔打,

邊似得的人呀,講過又唔算數咁,唉,心淡,淡曬,

食完野都十二點幾嚕,趕鬼佢返去,佢聽日仲要返學,

同佢講有咩聽日先傾,快的返去先,之後,送左佢返屋企門口,

自己又落返去坐多陣,係度諗野,電話響,曦打電話黎,

叫鬼左我出去,之後咪同佢出左去,見到佢,佢又係唔係咁開心咁,

點解呢排咁多人都咁唔開心架,傻仔曦話,同條女一齊好辛苦,

唉,幫唔到你,兩個傻佬係度傻坐,唉,冇啦啦問左佢一的野,

如果你見到自己愛既人,同第二個男仔一齊唔開心,

你會點做?係個女仔身邊繼續守護佢定係搶個女仔返黎,

令個女仔開心?死仔,諗都唔諗就話,搶,既然愛既,就爭到底啦,

況且,佢同個條仔一齊都唔開心,點解,你唔搶佢返,

令佢開心的,俾幸福,俾信心佢呢?令一個人開心唔難,

但係令一個人離開唔開心就難,所以呢,呢的野你自己諗下啦,

死仔,講左等於冇講,講黎有咩用,傻既,算啦,都係冇諗咁多,

過得一日得一日,可以係佢身邊就得架啦,講左恩件事俾呀欣知,

呀欣話要同佢傾,呀欣佢地三點幾就上左我屋企,佢五點打左俾恩,

冇人聽,應該仲未放,之後,六點左右再打多次,恩話佢就到地鐵站,

卡卡,落左去接佢,嚇鬼死佢,冇啦啦係佢面前彈左出黎,

死傻瓜,仲係度呆呆地咁行,之後叫佢上我屋企,話呀欣有野同佢講,

上到黎,呀欣拉鬼住恩入左我間房,-,-搶我間房,我同聰個班係廳吹水,

佢地傾左成半粒鐘先出黎,唉,唔知佢地講咩,講完之後恩既面色,

好似仲難睇過頭先咁,唔知點做好,算啦,睇定的先,

之後又落左m記,問恩食乜,又話唔餓,之後,

買左個ice-cream俾佢,wa,搞到杯oce-cream容曬都冇食過一啖,

冇奈爆,之後呀欣佢地話要閃,成班去唱k,恩話要返歸,咪送左佢返去,

之後冇同佢地去唱k,返歸,又訓-,-尋晚冇訓咁制............