今日返工差d遲到......不過好彩最後都趕得切....hehe.....不過返到公司又係無野做...所以又係係度上下網.....睇下網址咁(因為大老細未返....所以先至可以上網)......睇整到差唔多10:30.....大老細返黎.....所以又要係度扮做野....所以又係要攞返我d由上個禮拜做到今日都仲未做完既速遞單filling出黎扮做野那.....不過其實我超醒羅.....因為我大老細係房既時候我係係度發呆家...但係一聽到我大老細開房門.....我就會即刻係度扮整緊d速遞單那....因為如果我唔咁做既話......我都唔知可唔可以捱到星期5都有野係度做緊啊........而且我發覺lee幾日我都係對住我鍾黎做人羅...因為我朝早返工就等食lunch...到食完lunch之後我就望住個鍾等收工.....哈....我直情係睇住d時間一分一分咁過去羅.....超無聊啊我.....
不過今日超好笑...因為大老細同二老細今日4點幾都出左去.....所以我地就以為佢地唔會再返公司啦...所以上網既就係度上網...傾電話既就係度傾電話....而最好笑既就係我d同事竟然走左落街去買下午茶羅...但係點知當佢地落左去無幾耐既時候我個同事就打電話上黎....話見到大老細架車係下面喎.....之後我有個同事就話可能應該係大老細無揸到架車出去家姐......但係當佢地0岩0岩返到上黎諗住食野既時候......大老細就出現那...嚇到個個即該收線 & 關埋曬d網址....哈...超好笑羅......不過好彩我今日無叫佢地幫我買下午茶姐...如果唔係我就大獲羅....因為我係坐係門口位......如果我食緊野既話大老細一入黎一定會見到羅...而且想收埋都收唔切啊.....
P.S 由於今日唔係咁舒服既時候...搞到我今日都無咩胃口食飯.....所以今日我既飯盒係超細個家羅......但係點知當我D同事幫我"0丁"飯既時候見到我個飯盒咁細...就問我帶咁少飯飽唔飽家....之後我就話夠....但係佢地竟然唔係咁信羅.......超無奈....之後到我見到另一個同事.....佢一見到我個飯盒....就問我仲咩食咁少飯....之後我就同佢講話我不嬲都咁細食家啦....但係點知佢竟然有超大反應...而且仲要"擘"大雙眼將我由頭望到落腳之後就超大反應咁話...".下...唔係化...你咁樣叫細食...咪玩啦...."之後我就話係啊...唔得啊....跟住我就無理到佢那....哈...不過我就係覺得超好笑羅....因為我D同事個個都知道我超食得家羅....而且次次如果我帶杯麵又抑或"0丁0丁飯"既時候佢地都會問我咁少夠唔夠我食家....而且仲話如果我唔夠食既話佢地有餅干朵D係度...叫我問佢地羅喎...哈...真係笑死我羅.....我比佢地講到我好似大胃王咁.....而且次次都唔至一個會問我食咁少野會唔會飽..........而係差唔多個個都會問我羅....超頂癮啊......
|
