今日差D唔知醒起身啊.....因為今日我9:00先至醒.....而且我開頭諗住今朝起身應該會有8號風球 or 黑色暴雨既話咁就唔駛返工家啦......但係點知一開電視睇.....都係得3號風號...所以就即係刷牙換衫啦......搞擔曬D野之後就出門口那...點知落到屋企樓下...我係滯留左係大廈門口羅....因為出面超"橫風橫雨".....所以D人個個都企曬係個大堂度唔出去...丫.....救命.....超迫啊....後尾我見無咁大風...就諗住出去啦...點知我行左出去都唔夠5步....我把傘就返左那...而且我仲成身濕曬tim羅...所以我就即係衝返入我坐大廈度那.....唉...都唔知有冇搞錯家...出去出面都唔知有無2分鐘....我就成個人由頭濕到落尾羅....所以係無可奈何之下我就要返屋企啦...因為我把傘都返左那...所以更係要羅過第2把啦.....而且我都要返去換過d衫啦....唔係我實病啊... 返到屋企就完電話比啊po...同佢講我要遲d返之後我就係度坐左一陣見無咁大雨先至出門口那...落到去....見d雨唔係咁大....所以我連傘都廢事開那.....因為我驚又再再吹爛...所以就咁衝出去就算那.....唉..點知出到去...0岩0岩架小巴就開走左...搞到我要企係度食西北風.....開頭諗住無雨既話都應該會好d啦...但係點知惡夢就開始那...因為我企係度既時候差d比d.風吹走左我羅....而且我仲差d比d風吹到"扒"左係度tim啊....不過好彩我即刻捉住條電燈柱我先至無比風呎走羅....而且仲搞笑既就係0係度等小巴既人個個一係就紮左馬咁企係度...一係就捉住d鐵柱啊....電燈柱啊朵d.....等唔駛比d把風吹走.(而我係其中一個).....個畫面超好笑羅......後尾到架車黎左上左車之後我仲驚羅......因為架車未滿人...所以個小巴司機就更係等滿曬人先至開車家啦....但係我坐係猓車度就超驚羅......因為架車係比d風吹到搖下搖下咁..,.....好似係度坐緊船咁羅......超恐怖啊....因為我驚佢搖下搖下之後會反羅....所以我一上到車...就即刻捉住d扶手羅....後尾終於都等到開車...再無搖下搖下先至無咁驚羅....而且出到去觀塘既時候就無咁大風大雨.....所以行返工既時候都無咁辛苦....
今日有2個人黎interview.....不過我諗lee兩個大多數都係唔得家那....因為而我老細睇人既眼光....佢一定唔會要朵兩個人羅......而且今日我a/c又問我想唔想轉post....之後我就同佢講話如果有得轉既話咪轉羅.....之後佢就問我想轉去邊個位(因為有兩個人唔做)..跟住我就話睇下大老細想我轉去邊個位羅....因為唔係我話要去邊個位就有得轉去家....都要睇下我老細肯唔肯比我轉至得家......不過講真.....如果我話唔想轉過去既話都唔得家啦...因為如果老細要我轉既話...我可以話唔得咩.....而且而家佢地in緊既人都係in我而家做緊既個朵個post既...咁所以到時大老細實推我上去家啦...不過就係睇下係推去個"好位"啊定係個"衰位"家姐..(不過其實我覺得朵兩個位都係衰位...因為都係要跟我大老細做野..)...而且我都無咁choice既......所以a/c問我想轉邊個post都係多餘既.......不過其實我覺得轉去邊個post都無所謂...最重要既就係轉左post既話有冇人工家加先....(因為我係超實際既人....嘩哈哈)...如果無人工加既話轉黎都無用啦.....係咪咁講先....hehe....
|
