今日返工又係超多野做...做到癲.....而且今日我個電話成日都係係度勁響羅...超煩....而且因為我唔得閒聽...所以超多電話無接到....勁.....後尾到12點45分既時候.....終於都比我做起曬D野.....所以先至得閒聽電話羅.....但係點知我一接電話...就聽到肥媽咪D咆哮聲.....當堂嚇左一嚇.....跟住佢就跟係度話我仲咩唔聽電話....話契姐同佢都打左好多個電話比我都搵唔到我......之後我咪話...下..你真係以為我好得閒咁係度等電話聽咩....我星期六超忙家.....後尾同佢講左一陣之後...佢就叫我快D打比契姐...因為佢揸車黎接我.....但係就唔識黎...所以就叫我快D打比佢..話比佢聽我間公司係邊....咁我咪打羅....但係點知就算我同左契姐講我間公司係邊...佢都係唔識黎羅...唉...所以搞到我都引唔住要串一串佢...問佢係咪真係識揸車家羅......後尾同佢講左好耐....佢都係唔識黎...所以我就唯有叫佢係觀塘碼頭朵邊度等我羅.....後尾等到1點鍾放工.....我就即刻走人.....去搵個蠢契姐那......
去到觀塘碼頭既時候就見到Jessica係碼頭度join我...跟住佢就同我一齊行去搵契姐架車那....上左車之後就左去油塘接埋我肥媽咪佢地.....先至向BBQ樂園出發......
去到BBQ樂園既時候我已經餓到暈左...因為我成朝都無食過野落個肚度...而且又由一返工就做到收工喎.....所以就搞到我超肚餓......所以一去到既BBQ樂園羅好枱既時候就迫不及待咁去羅D食物返黎燒那.....因為如果我有等佢地慢慢黎既話...我諗我實會餓死羅....
到等到我填飽左我個肚之後就同契姐佢地係度傾計那.....後尾傾到6點到.....Jessica就走左去租左枱ma雀返黎玩下tim....而且我比契姐同jessica佢地笑死羅......因為佢地講d野真係超頂癲......後尾打到差唔多8點到...我地又開始食野那......後尾到9點幾既時候bonnie又同埋佢個fd入黎一齊bbq....不過我燒到11點到..我已經開始"合"眼訓....唔想再燒羅...所以就坐左係度睇電視.....等佢地自己燒.....後尾搞到成12點幾...先至走人.....不過好彩有契姐車我地返屋企姐...如果唔係實有排等車啊......
返到屋企都成1點幾...沖完涼...又要吹埋個頭先至可以訓........所以今日又搞到成2點幾先至有得訓羅......超累啊...
|
