上個星期２呀∼我隻腳指公受左傷呀＞＜
事原係咁既∼我老細呢就唔知抽邊條筋∼話要汁好間公司個ｏｆｆｉｃｅ∼
咁佢就話砌個鐵架出擺野∼好啦咁我就幫手砌啦∼
點知佢一個轉身ｋｉｃｋ跌左條鐵∼條鐵一跌落黎就打中左我隻腳指公∼
嘩∼∼∼∼當堂痛到我唔知喊定笑好∼腳甲有一大舊瘀血仲腫左∼＞＜
咁我話俾老公知我整親腳∼咁佢就黎接我收工∼
收工之後就去左ａｐｍ食ｋｆｃ∼食飽飽就返屋企同老公打ｐｓ２∼
打到３點幾４點先訓∼第２朝起身都唔想起．．．
星期３個日收工同老公去左荷里活廣場食晚飯∼老公本來話落吧∼但有人放飛機∼
ｓｏ冇去到∼咁老公就話去釣魚∼好呀∼好耐冇去過釣魚啦∼
一共有６個人去呀∼我∼老公∼老公ｄ ｆｄ（小白，傑仔，老歐，柏濂）
咁我同老公去買釣魚用既野先∼老公買個ｄ魚餌好核突呀∼
好似叫水蟲∼要用水養住既∼總之就好核突啦∼買好晒ｄ野之後∼
我地就行去荃灣碼頭等齊人先釣魚魚∼好好玩呀∼
老歐一黎就釣到魚魚啦∼下面ｅ條就係佢釣到既∼
跟住冇幾耐我老公都釣到一條魚魚∼條魚魚食左個魚鈎＝．＝
之後就到傑仔釣到啦∼好大條呀＠ｏ＠不過唔知咩魚∼老歐話有毒個ｗｏ條魚∼＠ｏ＠
咁我地釣釣下魚冇啦啦有個妹妹仔走黎話想睇我地釣魚∼
咁大家都話冇所謂∼咁就由佢地∼個２條ｏ靚妹好似想黎溝仔咁∼
係咁撩ｄ男仔講野∼我心諗：好彩我地個個正人君子姐∼
如果唔係ｅ２條ｏ靚妹死得啦∼１得個１３歲，１個得１５歲到∼
夜ｍａｍａ仲係條街度∼俾人溶左都唔知咩事呀∼
好搞笑地∼有個妹妹仔問我點解１個女仔會同咁多男仔一齊∼
我心諗你都盲既∼見住我摟住我老公就知點解我會係度啦∼
我地俾ｅ２個妹妹仔煩到冇心機∼我同老公，小白就去左買野食∼
終於都可以耳根清靜一下啦∼買完野食返去見到個２個ｏ靚妹ｄ ｆｄ黎左∼
老歐佢地坐埋左另一邊∼食完野之後老歐同柏濂玩左ｄ好低能又好搞笑既野∼
總之就笑死我啦∼之後我地就去左督波∼第一次去波樓玩呢∼
我唔識玩就坐埋左一邊睇∼佢地班男仔就鬥波∼我睇睇下就訓著左∼
佢地玩完就叫醒我∼一齊搭的士返去∼噢∼返到屋企都４點幾啦∼
冇洗白白就訓左覺ｌｕ∼因為真係好攰攰呀∼
星期６晚收工之後去左燒野食∼去城門水塘個邊燒∼
又係好耐冇玩過既活動之一∼不過冇咩心機燒∼可能攰得濟∼
燒完野食就去左探險∼本來話去個ｄ咩防空洞既∼點知轉左去行山∼
我地圍住個水塘行左一圈∼行左１個幾鐘囉∼沿途既路都幾崎嶇∼
又上山又落斜咁∼我仲要唔係著波鞋∼係著平時去街個ｄ鞋∼
我行左一半路程就冇晒力∼超攰∼隻腳痛到呢∼有點兒腳軟∼
老公話咩住我行返屋企∼但係我死都唔肯∼最終我都死忍住痛行返屋企∼
返到去洗完白白就訓覺啦∼好耐都冇玩到咁癲啦∼ | 
2009 年 5 月 13 日 星期三 
