| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2008 年 10 月 21 日 星期二  |
| 手術．． |
今日 一早起左身，
望住時間， 還沒到鬧鐘響的時間，
比汪仔講中左 我真係唔洗訓，
我同Ａ哥 一人 ３支大３支細去上香，
真係未試過 ，
去到等等等 由原定８點 等到９點，
先至推落去， 我知道 佢口講冇事，
話一Ｄ都唔擔心 叫我地放心，
但係 我知道 其實佢心裏面 有好多恐懼，
佢心入面 掛住ＧＥ野 實在太多，
佢入左去之後 Ａ哥就話去食早餐，
本來唔想食， 不過唔得，
我知道 要佢安心 就一定要先照顧好自己，
所以 就算冇胃口 都要食．．
Ａ姨都黎埋 〔麥太〕， 大家識左十幾年，
係我幼稚園同學ＧＥ Ａ媽，
好多謝佢 咁有心．．
係出面陪我地等左咁耐．．
等到大約１２點左右，護士突然叫我地入去聽醫生講野．．
戈一刻 我已經知道 手術做唔到落去．．
醫生同我地講 情況更加嚴重，
本身照出黎 舊野冇接近心臟 同 冇黏住肺葉，
但係 開刀一睇 原來好接近心膜〔心臟外面的一層〕
如果 繼續落去 病人有５，６成風險，
連佢自己都冇把握可以止到血．．
因為心臟係輸出輸入血液ＧＥ地方，
而且太接近 血管太短， 冇信心可以止到血．．
之後又講 已經有檢驗結果 證實是惡性．．
至於 屬於那一種 就要等詳細報告出來才知道．．
佢問我地 繼唔繼續．．
呢Ｄ野 唔使唸， 一定唔駁，
我地２兄妹都駁唔起．．
我知道 Ａ哥佢一直都忍住唔喊出黎，
而我， 唔洗講， 雙眼一早腫左，
由細到大原來都冇變過， 一直ＥＱ都係咁低 咁眼淺，
今日 我先知， 原來忍淚 一件好辛苦ＧＥ事．．
有Ｄ野 唔到你唔去唸．．
當隔離床個Ａ姨 同我講左１Ｄ 佢尋晚講戈Ｄ野，．．
原來佢一直等緊Ａ哥去探佢，
但係我 竟然冇唸到呢一點，，．
戈一刻 Ａ哥終於忍唔住喊左出黎，
除左細細個 小學戈陣 我地２個做錯野一齊比Ａ媽打，
攬住一齊喊之外 我就冇再見過佢喊過１次，
原來 佢都係１樣 ， 我知道 戈一刻佢自己有後悔ＧＥ感覺．．
不過 我唔知佢將來會唔會改．．
我知道 Ａ媽最擔心ＧＥ係戈２公婆， 一個仔 一個媳婦，
２個成日鬧交， ．．
個仔成日ＣＡＬＬ ＳＩＣＫ唔反工，上大陸玩 唱Ｋ，
點解話極都係咁， 咁大個人 １Ｄ都唔識唸，
唔通真係到有事 先黎生性？？
我知道 佢最放心戈個係我 但係又驚我太辛苦自己，
放心 我自己有分寸， 只要你好好地．．
個個都話你個相有福， 你辛苦左大半世，
Ｄ仔Ｄ女先岩岩出黎做野 冇幾耐，
是該開始享福的時候， 我仲未做我該盡ＧＥ責任，
我唔鐘意欠人野， 所以你一定要等我還哂先，要頂住．．
要記住 你唔係我地ＧＥ負擔 ， 你係我地ＧＥ支柱．．
精神支柱， 所以 就算幾辛苦 我地都會陪你行落去，
你淨係見到你個仔結婚， 但係仲未見到個女結 仲未抱孫．．
你要記住 仲有好多心願未了，
仲未係時候 仲有好多好多年要等．．
其實 我唔係好成熟 我同Ａ哥都承受唔起．．
我同佢都好需要你．．
補： 原來做完手術之後 佢自己仲未知自己割唔到．．
醫生話等佢情況 傷口好Ｄ先講，
睇住佢插哂喉 釣住一包包ＧＥ野．．
真係好唔舒服．． 點解好地地一個人 會咁突然有呢Ｄ事發生，
唸起今朝佢仲好有氣 好有ＰＯＷＥＲ咁 同平時一樣．．
同依家比起黎．． 真係好遠，．．
我好驚佢會好似姨媽咁．． 我唔想見到佢一日瘦過一日，
一日弱過一日．． 但係 我知道 幾唔願意 幾唔想 都要面對．．
依家淨係希望 化療 電療有效．．
唔好惡化落去．．
|
| 刊登時間：2008-11-12 10:05 PM [ 編輯日誌 ] [ 分享至FACEBOOK ] |
|
