文字中毒

散文飢渴

好想睇書　好多好多書，
不過　未來幾日　都冇咁ＧＥ時間同精神
唔該　星期６我要出去血拚看書
解一解毒

改左　星期４轉山頂　，
如果星期４　山頂都冇位ＧＥ話，
咁就出院　反屋企等通知，
唔知算好　定唔好，
好ＧＥ　就係佢可以反屋企，起碼冇咁悶，
唔好ＧＥ　就係　拖到幾時？
越拖得耐就越唔好，
山頂　你準備好未？？

尋晚　同左汪仔出去　玩Ｄ弱智野，
係度射藍球　玩太鼓　玩搥搥大作戰，
〔玩搥搥　就會唸反　係屋企同Ａ哥喪玩對打　Ａ媽係一邊睇一邊笑　　ＸＤＤ〕
我知　我同佢都好需要出去顛下　發洩一下，
不過　玩玩下　梁嘉偉打比我，
講真　我真係呆左　又好出奇，　點解佢會知呢件事，
佢問我係邊　我梗係唔講我出去玩緊戈Ｄ野ＬＡ，
之後　比左Ａ媽個手提佢　就算．．
之後　繼續發瘋　〔請別阻我．．　其實我好幼智　ＯＫ？〕
趙志成講　原來係旋表姐講ＧＥ，
呼∼　算ＬＡ，　反正大家都係擔心佢ＪＡ，
雖然　佢唔係好想比咁多人知，
不過　換個角度唸，　其實好多人關心你ＬＡ∼
所以　歡容Ｄ∼∼∼　ＯＫ？
聽日就要轉山頂，　超唔方便　中午ＬＵＮＣＨ時間又唔去得探佢，
仲要規定探病時間　係下就１點至４點．．
完全無言．．　咁講．．　ＪＡ係一個星期先可以睇佢２次．．
唉．．　時間完全唔夾．．

呼，　尋日下就去左聽報告，
證實左係屬於鱗癌，
係同吸煙有關，
佢都唔食煙　咁　好明顯係２手煙ＬＡ，
Ａ媽講左句　千錯萬錯　就係去左做機室，
唉．．　有好多野　我唔多講ＬＡ
有好多人都唔知　點解我會咁唔鐘意我老豆，
點解我會咁憎佢，　我只可以講一句，
佢做過Ｄ衰野實在太多，　做左又唔認，
佢從來都覺得自己冇錯，　　至於佢做過Ｄ咩野，
唔講ＬＡ，　１日１夜都未講完，
亦都冇咩人知，　因為佢實在遮掩得好好，
佢或者　唔係一個衰老豆，　但係　我覺得佢絕對唔係一個好老公，
因為　有創傷　就算時間過得幾長　都好難會好反，
不過　我知道Ａ媽都全接受，　因為呢個人　係佢揀ＧＥ．．
所以　我都唔多講ＬＡ，

之後　醫生話　星期一就會安排佢轉去山頂，
化療同電療都會做　不過會以電療為主，
因為　鱗癌對電療比較敏感，

我：　咁淋巴核戈邊點？
醫：　我抽左最接近ＧＥ淋巴，係氣管戈邊，　暫時冇發現有，　不過我唔包保其他地方有冇，　因為冇可能切哂咁多個器官Ｄ淋巴去驗　實在太多　所以我只可以講最接近戈個　冇事，

醫：　其實我都話．．　有好有唔好ＬＯ．．　　好ＧＥ就依家都冇病發，　同埋對電療比較敏感　不過一切　都要等個效果出黎係點ＬＡ，　　咁　你地仲有冇野想問．．
我地答冇．．　個個都呆呆地．．　消化緊ＭＡ．．

．．．．．　醫生其實唔係講好多野，　　其實唔洗話叫哂我地去，
只不過係　朝早講戈陣　我老豆　係度發顛，
講極都唔明不特只　情緒仲激動過個病人，
其實　個醫生都講過幾次，　話係惡性，
〔手術前暗示過有不良細胞　手術中段　出黎講　已經證實係惡性〕

而Ａ哥都有同Ａ媽講　話係惡性，　Ａ媽都知
不過　佢就唔知聽咩野，
尋日我去到　Ａ媽岩岩去左廁所，
佢本身伏左係張枱度，　之後起身　同我講左句，
係惡性Ａ！　戈舊野係惡性Ａ！
我本能比左個白眼佢，　我話　一早知ＬＡ，
醫生講左幾次，　咁又點？

佢就　冇出聲　呆坐左一陣　又伏反係度

嗱嗱嗱，　我唔係冷血，
只不過　差唔多成個星期前聽過ＧＥ野，　而你又在場聽過，
唔該　唔好扮驚嚇咁　同我講多次，
我只會覺得　你好有問題，
究竟有冇聽人講野？　其實係未應該去全身驗查一次？？
真係　越來越怪ＬＯ，．．

今朝　用左３個鬧鐘　終於起到身，
眼訓到ＰＰ聲，
成個朝早　情緒都處於低窪狀態，
中午　食飯，　見到佢拆哂Ｄ喉，
仲慢慢周圍行，
同平時一樣，　我講Ｄ無聊野，
佢都有應我，　我瞪大眼望住佢，　佢都有同我玩瞪大眼　ＸＤＤ
唸到咁，　突然好興幸　戈日冇駁到　冇繼續落去做手術，
佢睇落去依然好精神，
我知，　只要我唔去唸，　做好我可以做ＧＥ野，　就得喇，
話知係自己呃自己又好，　咩野都好，
起碼　我生活得開心Ｄ，　起碼　唔洗令到周圍ＧＥ人都唔開心，
放工　又上左去坐一陣，
突然　佢咳得好厲害，不過都有就住咳，傷口仲未好反，
咳完　佢話　我入黎住院２個星期，　都未試過咳得咁厲害．．
唔知點解　我突然唸反起．．
之前　我一放工　就打反屋企問　洗唔洗買野飲，
突然間好後悔，　我以為　飲下野冇咩所謂，
但係　可能係間接令到佢病情加重．．
點解　點解　點解會咁遲先發現？
日日對住佢　點解我會發覺唔到．．
唉．．．
不過我知　依家講咩都冇用，
因為　時間係唔會反轉頭．．
突然　唸反起　２位Ａ姨同我講ＧＥ野．．
隔離床Ａ姨　同我講，
佢最擔心ＧＥ除左係我Ａ哥２公婆之外，就係我，
佢驚　我冇人理　驚我太辛苦自己．．
另外一位　就話．．
佢叫你爸爸　搞好雅居樂戈邊，
其餘剩反戈Ｄ　就比我話事，
叫我老豆　賭少Ｄ，　將自己每個月人工儲起佢　老左自己用．．
我唔想聽　唔想唸，
我咩野都唔要，　錢　我自己冇能力去搵咩？
我唔恨，　亦唔需要，
我有手有腳，　就算轉份辛苦Ｄ　ＧＥ工都冇所謂，
我捱得起，　所以　呢Ｄ野唔好同我講，
我一Ｄ都唔想知．．．　就算冇屋住我都冇所謂，
所以　唔好慳，　一定要醫反好，　就算醫唔好都要拖過十年八年，
因為　仲有好多野未做．．．

今日　戈２公婆又鬧交，今次係為錢
男：　我比戈Ｄ淨反幾多？　咁大洗，　我拎上去比你儲黎做咩？
女：　你戈Ｄ　我唔係用好多，　個個月又交租　又交電費　水費，　冷氣　電腦２４小時開住　幾佰蚊電費，　呢Ｄ唔係錢，
〔這時　男的已經自己在房中開著電腦　沒有理會女的〕
女：　你上次去玩　又有用過戈Ｄ錢，　呢Ｄ唔係野？　你去玩小Ｄ　已經好好，　〔以下省略〕
我受夠ＬＡ，　冇嘈幾日　依家又黎，　一個就係　老公自己揀，　一個就係老婆自己選，　既然唔信得過對方　又何必比錢佢拎去儲？
倒不如　直接一點　開個聯名戶口　貳憑貳式生效，　不是更好？？
總括一點　　　多舊能柒魚，
　　　冇錯　其實我係一個會講粗口ＧＥ　ＰＫ，　　ＯＫ？

前路沒燈只有煙 學會醉中找視線
我唔飲酒　所以我唔會醉　不過　前面ＧＥ路　真係好多好多霧．．
一齣曾經令我喪追ＧＥ劇集，　威力大於家好月圓．．
好想再睇多次！！

　唉，　聽日就要反工，
放假ＧＥ日子　真係過得好快，
今日　訓到成１０點幾起身，　仲要係被屋企電話嘈醒，
呼，　實在難得，
雖然　到依家我都覺得好唔真實．．
今日抄左Ｄ野，要戒口，中醫　真係好多野都唔食得，
西醫就咩都唔洗戒，　不過，　梗係戒下口好Ｄ　ＬＡ，
今日佢拆得喉　同管戈Ｄ　ＬＡ，
仲可以落床行，
我將自己上網抄戈Ｄ　要戒口戒Ｄ咩野　可以食Ｄ咩野　比佢睇，
佢都好配合，　我周不時聊下佢　佢都有理我，
哈哈，　我相信你得ＧＥ！　要開心Ｄ去面對，
只要我地唔好唸個結果，
做好依家可以做ＧＥ野，　心情就會開心Ｄ，
我唸　大約過多３，４日　就出得院，
遲Ｄ做化療戈陣，　先係最難捱，
不過　甜的吃　苦的也得吃，
只要戈一日　未黎到　都唔係事實，
ＰＳ：　尋晚比佢張紙．．原來佢冇睇過．．
　　　　佢擺左落衫袋到．．　今朝換左套衫．．　＝＝”
　　　　仲要打電話黎問我　戈張係咩黎．．
　　　　唉　．．　　叫我點講得出口．．
　　　　算ＬＡ，　雖然　我呢個動作係真係多舊魚左Ｄ．．
　　　　唸反起　都覺得自己好白痴低Ｂ　＝＝”

朝早上左一陣網，　突然發覺，
以前我打日記　好少人會知個網址，
我覺得　日記　係抒發緊我自己ＧＥ情緒，
記載緊　我過ＧＥ生活　一Ｄ鎖碎事　點點滴滴，
因為　將來　有一日　我睇反，　都會有好大感觸，
由ＱＯＯＺＡ到ＳＰＡＣＥ，
ＱＯＯＺＡ冇打好耐，　不過　我會繼續用，不過唔係依家，
之前，　打ＳＰＡＣＥ　我都會設有權限限制，
有特別選ＦＤ，同學戈Ｄ，　不過　依家就唔係ＬＡ，
可能我覺得冇所謂掛，反正　你想睇就睇ＬＡ，
以前我會覺得　有Ｄ野　有Ｄ心情　脆弱ＧＥ一面　唔想比咁多識ＧＥ人知，
可能覺得瘀掛，．．　冇計ＬＡ．．　堅強開ＭＡ，
不過　依家　改左ＬＡ，　係人都會有唔開心　會喊　唔算咩醜事，
反正　人生數載，　仲有幾多日子　冇人會知，
點解要屈住自己呢？　我自己ＧＥ日記，我ＬＩＫＥ打咩就打咩，
咁　　仲有咩野係唔講得？　　我係咁任性ＧＥ　ＬＡ，　吹咩　ＸＤＤ
哈哈哈，　我要改權限ＬＡ，　我鐘意發顛　ＯＫ？
這一刻　請叫我顛婆　　　〔路人甲，乙，丙，丁：　顛婆 ．．〕　多謝〔笑〕
呢個世界　真係有好多痴線佬　同　痴線婆，　　真係要小心Ｄ　　　ＸＤＤ