話咁快又過左 2 個星期喇，尋日又約左阿 Mo 覆磅。上次覆磅只係減左 2 磅，希望今次成績會好 d 喇。


覆磅前先同佢傾下計，了解一下佢呢 2 個星期係點樣過？


佢話佢早、晚都有飲 shake 做代餐，但因為太早食早餐到左大約 10 點幾就覺得肚餓又會食碗麵，跟住午餐就出街食，到左下午茶時間又會食個蝦多士，最乖就係夜晚飲 shake 後晚飯只會食菜，但佢話佢媽媽整嘅菜落好多油喎。

聽完佢咁講都心中有數喇！唉..........


幫佢覆磅佢嘅脂肪比率減左 0.2%、脂肪重量減左0.4kg、體重減左 2 磅、肚腩同胸圍都減左大約 1 寸。


我同佢講雖然食少左零食，但係仍有需要改變一下佢嘅飲食習慣。


因為佢嘅工作關係需要體力勞動，加上佢本身都幾肥，所以好快就會覺得肚餓，我同佢講希望佢係早餐同午餐之間，如果真係覺得肚餓唔好食麵，下午茶唔好再食蝦多士喇！不如改食水果又或者食全麥麵包代替，至於夜晚就叫佢媽媽整菜果時唔好落又或者咁多油，咁樣對佢嘅減肥效果會好好多。


阿 Mo 食左產品一個月只係減左 4 磅，相比我其他客真係減得唔係咁理想，一個幾 work 嘅產品都需要使用者的認真配合，咁先可以將產品效果發揮得最好， 希望阿 Mo 真係可以改變一下自己嘅飲食習慣，阿 Mo 加油呀！我知你一定做得到架！