而家有時間講番琴日面試戈陣時既情況!

首先我入到去,佢叫我隨便坐得喇!跟住我坐低,

佢就叫我拎成績表出黎!!

第一句話:哇!你D成績咁差既~你點讀書架?

第二句就叫我拎晒D作品奬狀出黎,

然後就話!你覺得咩叫做設計?叫咩分視覺?

然後就話你唔好以為讀設計就好威,

你唔好誤會左設計係視覺啊!

我覺得你係揀錯左科系,你睇下你D作品~

我都唔知你做乜!你係咪揀錯科系啊??你到底係咪真係想讀設計啊??

真係由頭就踩到我落尾!搞到我無地自容,

反到去我完全無晒心機畫畫喇,

完全係無晒心機畫!

-------------------------------------------------------------------------------------

番到屋企!我就將件事話比我老豆聽!然後佢就隨口話左我幾句,

我又反駁番佢,

之後我真係忍唔住,喊左出黎,

即刻沖入間房喊喇=.=

其實我係因為我老豆唔明白我先喊,

唔係因為理工考得差,我話知考成點啦~

跟住我老豆入黎安慰我,

後尾無事喇!

今日晨早我阿媽就叫我陪佢去買3,

我話而家10點幾邊有舖頭開啊=.=

點知佢都係唔信,唯有齊去,佢又話要搵戈間唔知乜鬼時裝店,

又唔記得係邊喎=.=搞到行到我腳都軟!最後都買到喇^^

然後,佢就買左兩支裙,我就飲左杯豆奶同食左兩件糖不甩~

老實講=.=呢兩樣都勁難食啊!!食到個胃都痛haha

跟住咪買左d餸之後番屋企lu~

然後差唔多番到屋企戈陣居然落大雨!!

好彩快一步咋!如果唔係,真係變落湯雞!!

今日阿e黎左,佢都係無變!同樣咁多野講=.=

同樣咁開朗haha