好累,星期四番第一日工,

一連就番埋星期五六日,因為我星期一同二唔番工

而星期二就正式開張喇,

呢幾日我都係編下字,打下樓盤,去睇樓

咁今日就去左睇海天居,首先去左睇示範單位豪裝!

唉..真係靚到我唔知講乜好,

超級無敵靚到爆晒炸,3000幾呎,一千五百萬!包齊傢俬

裝修又靚,傢俬又靚,設計又靚!

即使係咁貴,但都已經賣左勁多出去,

餘下既都唔多喇haha

---------------------------------------------------------------------------------------

星期二就測哲學,咁星期四測日文,我呢幾日忙都頭都暈,

一邊做野一邊溫習kaka

仲有就係下星期又要交兩份論文

-------------------------------------------------

頭都大kaka

今日我第一日番工,kaka,請多多指教,我而家一星期番四日

係做地產=.=第一份工就做地產..

係入面我就係做文書處理,簡單d黎講即係做會計文員

全間舖得我一個文員haha

今日第一日番工,其實都唔係好多野做,個老闆娘都幾好人,

對我都幾好

希望日後既日子會過得愉快^^

琴晚訓得好好,但唔知點解今日起身都係一樣咁累,

我8點15分就醒左喇,

然後食埋早點,著好3就番學去lu,

呢排唔知係咪轉季,搞到d皮膚除左勁干之外,仲敏感..

今日都唔洗上堂,因為個professor去左馬來西亞,

搵左個,佢個學生黎代課,

不過好多人都走佬,寫左名之後就閃人,

咁我都唔知點,因為我好遠水路咁行過黎架嘛,

不過最後我都走左,番到屋企悶到我啊=.=

又眼訓又唔知做乜好,又唔想溫習住