一連三日既廣州旅程終於係琴晚結束左,
我地係星期一戈日朝早坐9點2既車去廣州,
坐左兩個鐘頭幾既車之後到左喇!跟住落車後就坐地鐵去我既住既7天酒店戈度,
跟住一落地鐵,其實我地都已經好累,仲要行左成三個字幾既路先到,
戈陣好熱,陽光又猛,行到對腳累..
終於去到戈間野喇!入到去check in之後搞左好多野,
book左兩日既大床房,原本住經濟房,可惜無晒房喇,
跟住入去放低晒d野搞掂晒之後,我地就出發喇!
首先我地坐的士去上下九街,
戈度真係勁多人我地又好肚餓!條街又勁長,行到見到有間叫靚面王既,
我地入左去食野,我叫左個魚片腸!
勁多骨!晒晒我d錢,又難食=.=仲比d魚骨插親牙肉流血,
跟住我地就行街喇!行到去一間叫東急商場戈度,坐低食左個包之後,
終於係戈間商場買到野lu!
跟住我地再去狀元坊,其實廣州d野真係好平!
係狀元坊戈度買左對鞋之同件3
因為其實戈度好迫好多人真係好危險!
我地又出番黎,行上下九街,因為太長,真係行左好耐好累,
之後我地坐的士番去!
第一日既行程真係累到死!
-------------------------------第二日---------------------------
第二日我地10點左右起左身,之後搞掂晒d野之後就去坐地鐵,
今次我地去既地點係北京路,
首先我地去左五月花,之後係戈度買左個撈面!10蚊5包,
抵過澳門好多啊haha,
跟住我地去左neway唱k,
講到呢度,每位19蚊,唱三個鐘!加3蚊仲有飯同面叫,仲送埋杯野飲比你,
真係勁平勁抵!戈度d歌真係好似要乜有乜咁,最新出戈d歌佢都全部有齊晒,
差唔多夠3個鐘戈陣,有個野入黎同我地講話,
而家我地唔等房用,你地可以繼續唱埋落去,
我地足足唱左4個幾鐘haha
真係唱到聲都沙埋,
跟住我地就行北京路,又係好長好大,但係我地都無乜點買野,
然後我地再地流行前線定潮流前線,我都唔係好記得!
基本上我地都係無乜點買野,
最後我地又去番上下九,係戈陣時出現左一個危機,
就係有個傻佬,真係傻架,全身黑麻麻,
一手係咁拍我個肩,我勁驚啊!叫左出黎,
我地兩個都沖左入其中一間商店,
等個人定d之後我地再去食野!其實中間戈段路程發生左好多趣事又瘀事haha,
跟住我地就番番去lu!
-------------------------------------------第三日----------------------------------------
第三日亦都係最後一日,我地再次去番戈個東急商場!
同上下九,戈陣時我已經好累好累,真係勁累喇,
已經無乜心機行街,
跟住我地行下行下又去左狀元坊,
但我地都無入去,
之後坐的士番去拎番d行李,
走戈陣,無啦啦個天又行雷又閃電,最後落埋雨!
勁大,好狼狽啊我地,之後坐的士去番華夏酒店,坐中旅巴士走人lu,
我個心一直記掛住補考得唔得!
最後都得左,好開心!今次旅程,其實好累,但我真係買左好多野!
洗左差不多一千元,包埋車費住宿,坐車食野戈d同埋買左三對鞋,約5件3係自己,4件係買比人,
仲有三條褲,一條頸連,一隻介指!
兩件外套
-------------------------------------------完結左--------------------------------------- |
