尋日臨放工之前 比老闆同個香港人(tony)

捉左我同個designer(daomon)入去佢間房度傾

雖然我地兩個都未正式同老闆講我地會走既事 但係已經通晒天喇

所以老闆而家拼命諗辦法想留住我地兩個 因為我地係公司比較重要既職員...

一開波 佢就話 如果我地兩個都走的話 佢真係寧願摺左間公司...

同埋佢話真係好有誠意留我地兩個

聽到呢d說話個心真係好唔舒服

但係又可以點呢 我要轉既係政府工(雖然人工真係唔高,而且老闆準備加比我既數真係超過左份政府工)

而damon就係轉去一間賭場度做高級人員....人工係2萬幾囉唔該

咁可以點選揀吖

但係我真係好驚咁後生就轉左入政府工會就咁就一世...皆因我係個坐唔定既人 你叫我每日都寺住同一樣野

真係好惡頂.....同埋我覺得仲未喺出面創夠...太快喇...所以實在有點擔心...同埋好想喺出面再發揮下自己....

但係可以換到份穩定 唔洗受氣 唔洗比人追數 唔洗擔心遲出糧既工播  又真係好吸引

真係好矛盾囉......究竟去定留....其實我心里已經有數  可惜我真係好怕會後悔同時又好驚會錯失左一個機會....

如果我可以預先睇到未來你話幾好呢~

另外,damon比我更加煩惱...佢走左  公司實會有一段時間陣腳大亂既

但係唔走又真係好對唔住自己  因為公司點加都加唔到佢新公司既人工....

唉 人生真係好難做決定呀!!!!

p.s.abbe....我驚我第時真係會悶死,無論喺邊方面都係,所以你快d黎澳門做野啦~咁我應該會冇咁悶......